Македонија
Стечајците одново се закануваат со штрајк со глад
Во понеделник точно напладне ќе започнеме штрајк со глад доколку надлежната законодавната комисија при Собранието не го изгласа новиот предлог-закон за стечајни работници
Во понеделник точно напладне ќе започнеме штрајк со глад доколку надлежната законодавната комисија при Собранието не го изгласа новиот предлог-закон за стечајни работници на седницата закажана за среда.
Со ова се заканија стечајните работници откако во понеделникот предлог-законот не помина на Комисијата за труд и социјална политика.
“За момент помисливме дека нашата голгота престана откако предлог-законот конечно влезе во Законодавниот дом, но испадна дека Владата уште еднаш сурово си поигра со нас”, рече Лила Ѓеорѓиевска, претседател на Унијата на стечајни работници.
Стечајците уште еднаш упатија апел до Владата да го разгледа Законот со кој би се згрижиле 13.000 стечајци кои сега не добиваат никаков надоместок од државата.
Според нив новиот закон би ги згрижил сите оние што имаат 15 години стаж, а ја опфаќа возрасната граница од 50 односно 53 години за жени и мажи соодветно.
На последната Комисија е направен преседан со кој е згазена преамбулата на Уставот, сметаат стечајците и запрашаа зошто пратениците на ВМРО-ДПМНЕ биле воздржани на гласањето.
Штрајкот е единствениот начин да го добиеме она што го заслужуваме-се заканија тие.
Стечајците го повикаа своето членство да им се придружат во штрајкот доколку предлогот не помине на утрешната Комисија./крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.