Црна хроника
Педесетгодишна жена загина во сообраќајката кај „Зебра“

Педесетгодишната Сузана Т. П. од Скопје загина во сообраќајката што се случи во вторникот вечерта околу 20 часот на улица „Васил Ѓоргов“, кај трговскиот центар „Зебра“, во скопската населба Капиштец.
Автомобил „oпел корса“ со скопски регистерски таблици со голема брзина преку скали влетал во еден од излозите на околните згради. Жената починала на лице место и безуспешни биле обидите да и се пружи помош. Возачот на автомобилот, триесет иседумгодишниот Б.Б. од Скопје и неговата сопатничка, триесет итригодишната Ј.П. со телесни повреди се пренесени во Ургентниот центар. Сопатничката е пуштена на домашно лекување, додека возачот е задржан за понатамошно лекување.
Според првичните информации, возачот со десниот дел од автомобилот удрил во Сузана по што удрил во метална ограда и преку скали завршил во излог.Полицијата извршила увид на лице место и сите докази ќе ги предаде во јавното обвинителство, од каде ќе се води истрагата. Земени се крв и урина од возачот за да се утврди дали бил под дејство на алкохол. По неговото опоравување обвинителството ќе го преземе случајот и ќе ја утврдува неговата одговорност./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени двајца мажи од Росоман, му се заканувале на градоначалникот на Кавадарци

Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33) и Т.П.(34), двајцата од Росоман, постапувајќи по претходна пријава дека му се заканувале на градоначалникот на општина Кавадарци М.Ј.(43) и на неговото семејство.
Подоцна, со судска наредба, биле извршени претреси во нивните домови, при што биле пронајдени и одземени мобилни телефони.
Двајцата биле задржани во полициска станица, известен бил јавен обвинител и по целосно расчистување и документирање на настанот, против нив ќе бидат поднесени соодветни пријави.
Црна хроника
Скопјанец почина на Клинички откога бил донесен во тешка здравствена состојба: телото дадено на обдукција

Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај нив бил донесен 66-годишниот Р.Љ. од Скопје, кој подоцна починал.
Лекар констатирал смрт без видливи траги на насилство, а по наредба на јавен обвинител телото било дадено на обдукција.
Се преземаат мерки за расчистување на случајот.
Црна хроника
Претреси во село Гајре во врска со пукањето во Тетово: уапсени четворица, пронајдени предмети

Вчера во периодот од 12:50 до 15:00 часот во село Гајре, тетовско, согласно судска наредба, а во врска со вооружената престрелка што се случи на 10.08.2025 во Тетово, бил извршен претрес на повеќе локации во село Гајре, тетовско, при што биле пронајдени предмети кои се од интерес на истрагата.
При претресите биле лишени од слобода А.М.(41) и Е.М.(19), како и двајца малолетници на 15 и 17-годишна возраст, сите од село Гајре.
Се преземаат мерки и активности за целосно расчистување на случајот и за пронаоѓање на други лица кои биле инволвирани во престрелката.