Американскиот претседател Барак Обама не исклучи во четвртокот дека оружениот напад кој ден претходно се одигра во местото Сан Бернардино во сојузната држава Калифорнија, може да е поврзан со тероризмот и ги повика Американците вистински да размислат за проблемот со огненото оружје, многу подлабоко од која и да е анкета, па колку и опширна таа да е.

„Постои можност инцидентот да е поврзан со тероризмот, сé уште не знаеме“, изјави американскиот претседател Барак Обама по средбата со членовите на Советот за национална безбедност во Белата куќа.Истакна дека во истрагата ќе биде ангажирано Федералното биро за истраги (FBI) „во тесна соработка со локалните власти“. „Засега не ги знаеме причините за оваа страшна трагедија. Непознати ни се мотивите’, рече Обама. Според него, лицата кои пукале „имале пристап до оружје, кое го имале дома“. Се чини дека 28-годишниот Саид Фарук и 27-годишната Ташфин Малик, двојката која уби 14 и рани 17 лица, тоа го сториле со добро осмислен план, бидејќи во нивниот дом бил пронајден огромен арсенал муниција и дури 12 импровизирани експлозивни направи. Саудиската амбасада во Вашингтон објави дека Фарук во летото 2014 година девет дена престојувал во Саудиска Арабија.Двајцата напаѓачи беа убиени за време на обидот да бидат уапсени. Според првичните сознанија, осомничените биле во интимни односи. Истрагата претпоставува дека Фарук прво присуствувал на прославата салата во центарот, а потоа се вратил таму со соучесничката и отворил оган од автоматско оружје.Според полицискиот началник на Сан Бернардино, Џерод Бергуан, Фарук и Малик во моментов се единствените осомничени за нападот, иако претходно постоеја информации за можен трет напаѓач. Бергуан, исто така, истакна дека мотивите на напаѓачите засега се непознати.Министерството за правда е подготвено „да ја обезбеди сета неопходна помош“ во истрагата за трагедијата., рече јавниот обвинител Лорета Линч. Според неа, станува збор „неопислив акт“ на вооружен напад, извршен од двајца злосторници во центарот за помош на луѓе со ограничени можности.Според податоците на министерството за правда, американската влада во овој момент малку знае за несреќата. Но, тоа е доволно да се стави на располагање на истрагата која ја водат агентите на FBI, полициските служби и другите федерални агенции, додаде Линч.Во меѓувреме шефот на медицинскиот центар при Универзитетот Лома-Линда, Кери Хејнрич, изјави дека најмалку две лица од ранетите во пукањето во Сан Бернардино се во критична состојба. Според него, состојбата на други тројца пациенти е „релативно задоволителна“.Во медицинскиот центар Лома-Линда се хоспитализирани петмина од ранетите. Уште петмина се во регионалниот медицински центар Ароухед, чија состојба е стабилна, според портпаролката на властите на округот Сан Бернардино, Фелиса Кордона. Прецизираше дека еден од ранетите бил отпуштен уште во средата. Нема податоци за состојбата на уште седумте ранети.Станува збор за еден од најкрвавите инциденти во САД во кој е употребено огнено оружје од 14-ти декември 2013 година, кога 20-годишниот Адам Ланза во училиштето „Сенди хук“ во Њутаун, во сојузната држава Конектикат, уби 26 лица од кои 20 беа деца на возраст меѓу 6 и 7 години. Претседателот Обама, исто така, ја искористи приликата уште еднаш да ги повика сограѓаните да размислата за проблемот со слободното поседување и носење оружје во САД.  Американските медиуми истакнуваат дека откако се всели во Белата куќа во 2009 година, тој веќе по 18-ти пат повикува на својата инцијатива по инциденти со огнено оружје со повеќе жртви.„Мораме, како општество, да се преиспитаме за да преземеме мерки кои нема пристапот до огнено оружје да го оневозможат, но ќе го отежнат. Не можеме да се препуштиме безбедносните сили самите да се занимаваат со таквите ужасни пукања. И ние во тоа имаме своја улога“, рече американскиот претседател во кусото обраќање од Овалната соба, повторувајќи притоа дека не исклучува ниеден мотив за нападот, па ниту тероризмот.Од доаѓањето на претседателската должност, Обама нескриено настојува да ги заостри законите кои се однесуваат на поседувањето и носењето огнено оружје, но засега нема успех во тие напори. Свесен за односот насилите во американскиот Конгрес, во кој во двата дома мнозинството го имаат републиканците кои се против ваквите поостри одредби, што ги прави невозможни сите законски измени, барем во догледна иднина, Обама сега се одлучи директно да им се обрати на граѓаните, барајќи од Американците тоа прашање да им го поставуваат на своите избрани претставници, при што ги истакнува резултатите од испитувањето на јавното мнение кои покажуваат блага наклонетост кон измените на законодавството за поседување огнено оружје. на Со околу 270 милиони парчиња огнено оружје во оптек, САД се земја којашто има најмногу огнено оружје по глава на жител, односно 89 парчиња оружје на 100 жители, меѓу сите развиени земји. Повеќето од оружјата кои биле употребени во масовните убиства во САД, се купени во согласност со законот.„Важно е сите ние, вклучително и оние коишто ги носат законите, да утврдиме што можеме да сториме за да осигуриме дека кога некој поединец сака да нападне друг поединец, тоа да му биде потешко. Денеска е прелесно“, повтори Обама, како и при секој вакво вооружен инцидент со поголем број жртви./крај/мф/сн

Извор: Макфакс