Свет
Обама: САД ќе го поразат тероризмот во Авганистан
Претседателот на САД, Барак Обама вети дека неговата земја ќе ја заврши успешно започната мисија во Авганистан и покрај загинувањето на 30-те американски војници во уривањето на хеликоптерот во саботата
„Нивната жртва болно не’ потсетува на ризиците на кои нашите мажи и жени во униформи секојдневно се изложуваат за својата татковина. Знам дека нашите војници ќе ја продолжат тешката задача за обезбедување на пренесувањето на овластувањата на зајакнатата авганистанска влада, за да оваа земја не стане упориште на терористите. Ќе продолжиме и ќе успееме“, нагласи претседателот на САД, Барак Обама, во својот говор во понеделникот во Белата куќа. „Овие мажи и жени го ризикуваат својот живот во име на вредностите којшто не’ обединуваат како нација. А некои, како овие триесетмина Американци кои загинаа викендов, и го даваат својот живот за својата татковина.“, нагласи Обама. Според него , обврската на Американците е „да сторат се’ за зад себе да остават Америка која ќе биде слика на нивната храброст, одаденост и заложби за општото добро“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.