Регион
Мас: Нема да бараме Србија да го признае Косово за да стане членка на ЕУ
„Никогаш не побаравме од Србија да ја признае косовската независност како услов за приближување на Србија кон Европската унија (ЕУ)“, изјави германскиот амбасадор во Белград, Волфран Мас.
„Никогаш не побаравме од Србија да ја признае косовската независност како услов за приближување на Србија кон Европската унија (ЕУ)“, изјави германскиот амбасадор во Белград, Волфран Мас. “Она што очекуваме е решавање на проблемот, кој ќе овозможи односите да бидат нормализирани. Од сопствено искуство знаме дека тука постои голем маневарски простор“, изјави Мас во интервју за весникот „Блиц“. На прашањето дали без постигнување на нови договори во дијалогот помеѓу Белград и Приштина, Србија може да добие кандидатски статус за членство во ЕУ, германскиот амбасадор нагласи дека на тоа нема одговор.„Видовме дека дијалогот започна со добри резултати…Од двете страни слушаме дека постои интерес да се постигнат резултати. Затоа мислам дека продолжувањето на дијалогот нема алтернатива“, изјави Мас. Германскиот амбасадор наведе дека целта на посетата на канцеларката Ангела Меркел на Белград е да се види до каде стигнала Србија во исполнувањето на копенхашките критериуми, истакнувајќи дека Меркел ќе ги поддржи евроинтеграциите на Србија. Потенцијалниот кандидат за членство во ЕУ, според Мас мора да обезбеди политичка стабилност во земјата, владеење на правот, како и добрососедски односи и регионална соработка. крај/бл/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.