Свет
„Скопски пазар“ насилно наплаќал поскапа тезгарина
Според новите цени, киријата за тезга на „Зелен пазар“ чини 5.100 денари, а беше 4.200 Акционерското друштво „Скопски пазар“ без никаква најава пред три дена им ја зголемило киријата за тезгите на продавачите од „Зелен пазар“, а вработени во Друштвото завчера насилно ја собирале повисоката тезгарина, тврдат продавачите.
Според новите цени, киријата за тезга на „Зелен пазар“ чини 5.100 денари, а беше 4.200
Акционерското друштво „Скопски пазар“ без никаква најава пред три дена им ја зголемило киријата за тезгите на продавачите од „Зелен пазар“, а вработени во Друштвото завчера насилно ја собирале повисоката тезгарина, тврдат продавачите.
Новата цена за месечно користење тезга „Скопски пазар“ им ја соопштил на тезгаџиите во вторникот, а веќе следниот ден, на изборите, почнал и да ја наплаќа. На продавачите им било кажано дека на оние што дента нема да ја платат киријата, ќе им биде одземена тезгата, па многумина платиле. Пазарџиите се жалат дека вработените од „Скопски пазар“ биле груби кон нив кога дошле да ги собираат парите. Според новиот ценовник, месечна кирија за тезга на „Зелен пазар“ чини 5.100 денари, наместо досегашните 4.200. „Скопски пазар“ им наплаќа дополнително повисока кирија на продавачите што имаат тезги веднаш покрај оградата, бидејќи „се наоѓале на ударно место и имале повисока заработувачка“.
– Порано имавме рок до десеттиот ден од месецот да ја платиме киријата. Овој месец на четврти ни рекоа дека рокот е скратен и оти мора да си ја намириме обврската до 5 јули. Тогаш и ни кажаа дека ја зголемиле тезгарината. Прво ни рекоа дека денот на изборите и за нас ќе биде неработен, но кога видоа дека после нема да можат да ги соберат парите, ни наредија да работиме и почнаа да наплаќаат насилно и со закани. Ова е невиден арамилак – раскажува тезгаџијата А.С.
Продавачите, кои сакаат да останат анонимни, се револтирани од односот на „Скопски пазар“. Велат, не е првпат без најава да им ја зголемат киријата.
– Крвта ни ја исцицаа. За толку пари што даваме не добиваме буквално ништо. Зиме мрзнеме, лете се онесвестуваме од жештините, зашто пазарот не е покриен. Дури ни наплаќаат по пет денари за користење на вецето, кое е нивна сопственост. Месечно плаќам кирија за тезгата и 6.000 денари за здравствено и пензиско осигурување. Одвај преживувам со тоа што останува од заработувачката. Ама каде да се жалам? Кадија те тужи, кадија ти суди. Директорот на „Скопски пазар“ се исплаши дека по изборите нема да има како да и’ се оправда на новата власт за трошењето пари за партиска кампања, па сака од нашата пот да го покрие минусот. Срамота – револтирано вели еден продавач.
„Скопски пазар“ пред три месеци ја покачи киријата и на пазарите во Буњаковец и во Тафталиџе за 300 денари. И таму тезгаџиите се незадоволни и крајно револтирани од монополското однесување на Акционерското друштво.
– Не знам до кога ќе демонстрираат вакво самоволие. Кога ќе им текне ја поскапуваат киријата, без воопшто да не’ консултираат или барем да не’ известат еден месец порано. Да ги видам дали смеат да ја покачат закупнината на „Бит-пазар“? Таму не смеат да стапнат. Нашиот пазар е празен. Во лето нема промет, луѓето не купуваат ништо. Како да преживееме? Ни рекоа дека од октомври ќе ни ги намалеле кириите, ама искрено, воопшто не верувам во тоа – вели една продавачка од пазарот „Буњаковец“.
И покрај нашите напори, вчера не успеавме да добиеме објаснување од директорот на „Скопски пазар“, Трајче Давитковски, за зголемувањето на закупнината за тезгите.
Даница Тунтевска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ердоган по повод Денот на Европа: Односот на некои земји кон кризата во Газа ја разниша вербата во европските вредности
Претседателот на Турција, Реџеп Таип Ердоган, објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разнишаа вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како Ден на Европа од 1999 година кога Анкара го доби статусот на кандидат за членство во Европската Унија.
„Денот на Европа, 9 Мај, не само што го означува почетокот на политичкото и економското единство на Европа туку ги означува и мирот и стабилноста, кои се плод на децениските заеднички напори“, посочи тој.
Свет
ОН: 109 Палестинци убиени, 296 ранети во Појасот Газа од понеделник до среда
Најмалку 109 Палестинци беа убиени, а 296 ранети во израелските напади врз Појасот Газа од понеделник до среда попладне, вклучително и жени и деца што беа убиени во нападите на станбени куќи во Рафа, соопшти канцеларијата на Обединетите нации за координација на хуманитарните прашања (УНОЧА) врз основа на податоците добиени од Министерството за здравство во Газа контролирано од Хамас.
УНОЧА соопшти дека 32 лица биле убиени во шест израелски напади врз Рафа, меѓу кои 11 деца и осум жени.
Девет лица, меѓу кои четири деца и две жени, загинаа во израелски напад врз бегалски камп југоисточно од Рафа.
Девет лица загинаа во нападот во источна Рафа, меѓу кои четири деца и три жени.
Две деца и две жени загинаа кога беше погодена нивната куќа во источниот дел на Раф.
Пет лица, меѓу кои една жена и едно дете, загинаа во израелски напад врз куќа во западна Рафа.
Според УНОЧА, во два одделни напада на истокот и западот на Рафа загинаа уште пет лица, пренесе „Ал џезира“.
Свет
Евровизија 2024: Публиката ја исвирка израелската претставничка Еден Голан на пробата пред полуфиналето
Израелската претставничка на Евровизија изјави дека „ништо нема да ја спречи“ откога беше исвиркана за време на пробата во средата.
Еден Голан ја испеа песната „Ураган“ пред полуфиналето в четврток во Малме, Шведска.
Таа во изјавата наведе дека е „се гордее што ја претставува сопствената земја“.
Досега имаше неколку иницијативи за забрана на Израел да настапи на годинешниот натпревар поради војната во Појасот Газа, која трае од октомври.
Сепак, Европската радиодифузна унија (ЕБУ), организатор на Изборот за песна на Евровизија, одлучи дека Израел може да се натпреварува.
По пробата во средата, на социјалните мрежи се појавија голем број видеа направени од гледачи во публиката, на кои се гледа како поединци од толпата ја исвиркуваат израелската претставничка.
Израел во моментот спроведува воена операција во Газа, која ја почна како одговор на прекуграничниот напад на Хамас врз јужен Израел на 7 октомври. Тогаш беа убиени околу 1.200 луѓе, а 252 беа киднапирани.
Оттогаш повеќе од 34.840 луѓе се убиени во Појасот Газа, според Министерството за здравство на Хамас.
Израел, заедно со други неевропски земји како Азербејџан, Грузија и Австралија, може да се натпреварува како членка на ЕБУ.
Жан-Филип де Тендер, заменик-генерален директор на ЕБУ, во средата рече дека ако го исклучите израелскиот јавен сервис од натпреварот, тоа ќе биде политичка одлука, која како таква не може да ја донесат бидејќи ЕБУ е аполитична организација.
„Ги разбираме загриженоста и силните ставови што многумина ги имаат за војната на Блискиот Исток. Мислам дека никој не може да остане имун на длабокото страдање на сите што се во војна“, додаде тој.
Од Еден Голан беше побарано да ја смени оригиналната песна со наслов „Октомвриски дожд“ откога таа предизвика контроверзии.
Се сметаше дека песната алудира на убиствата и киднапирањата на Израелците од Хамас, па затоа е сменета во „Ураган“, што ЕБУ го одобри.
Од тимот на пејачката изјавиле дека 20-годишната Голан не ја напушта хотелската соба бидејќи израелската делегација добила низа закани.
Организаторите се извинија затоа што еден учесник во полуфиналето покажа пропалестински симбол во вторникот.
Ерик Саде од Шведска, кој настапи во воведниот ревијален дел од шоуто, носеше кефије околу зглобот – вид шал што луѓето го користат за да покажат дека се пропалестински настроени.
„Евровизија е ТВ-шоу во живо. Сите изведувачи се запознаени со правилата на натпреварот и жалиме што Ерик Сад реши да ја загрози неполитичката природа на настанот“, рече портпаролката на ЕБУ, организатор на настанот.
Пред натпреварот во „Малме арената“ гледачите беа предупредени да не носат палестински знамиња и други симболи.
Ирската пејачка Бамби Таг им кажа на новинарите дека добиле „наредба“ да ги отстранат сите политички пораки од облеката што планирале да ја носат во полуфиналето.
Тие замислиле делови од својата облека на сцената да бидат стилизирани во древното келтско писмо на зборот огам – за кој велат дека може да се толкува како „примирје“ и „слобода за Палестина“.
Оли Александар, кој ја претставува Велика Британија, претходно повика на „непосреден и траен“ прекин на огнот во Газа, но ги отфрли повиците за бојкот на натпреварот.