Свет
Напаѓачи во Сирија убија припадник на безбедносните сили и неговото семејство
Вооружено лице во Сирија убил еден припадник на безбедносните сили, и неколку негови роднини во невралгичниот град на Ал Камишли во североисточниот дел на земјата.
Вооружено лице во Сирија убил еден припадник на безбедносните сили, и неколку негови роднини во невралгичниот град на Ал Камишли во североисточниот дел на земјата.Како што пренесува агенцијата UPI повикувајќи се на извор од сириските безбедносни сили, потврдено е дека во нападот од саботата покрај нивниот припадник, исто така, биле убиени и жената на неговиот брат и неговите две деца на 5 и 15-годишна возраст.Телото на службеникот, наводно, бил изрешетано со 35 куршуми, а петгодишното дете било застрелано во главата.Градот Ал-Камишли е место на судири меѓу припадниците на безбедносните сили и групации коишто власта ги обвинува за поттикнување на насилството, коешто во Сирија започна во март годинава со големи постојани протести со кои се бара заминување од власта на претседателот Башар ал-Асад.Според официјален Дамаск повеќе од 1.200 припадници на безбедносните сили се убиени од страна на „терористичките елементи поддржани од надвор од земјата“.Во неделата сириската државна телевизија емитуваше снимки на кои се прикажуваат запленети оружје и „признание на терористички елемент кој опишува како тие добиваат оружје од странски извори за извршување на вооружените активности и убивање цивили и припадници на безбедносните сили“.Претходно во саботата државната сириска агенција SANA објави прилог во кој се покажани снимки од експлозивни направи пронајдени во северниот град Идлиб, во близина на границата со Турција. Во овој град во ноќта кон саботата во судирите меѓу безбедносните сили и дезертираните војници кои преминаа на страна на опозицијата, загинале 12 војници и пребези и тројца цивили. Минатиот викенд турскиот весник Milliyet пишуваше дека Франција ги испратила своите инструктори во северен Либан и во Турција, каде што се наоѓаат камповите на ткн Слободна сириска армија, група составени претежно од дезертери од регуларната армија, каде што ќе ги опремат и ќе ги обучат сириските бунтовници за поефикасна борба против сириската армија и силите за безбедност.Во написот на весникот, исто така, се тврди дека владите на Франција, Британија и на Турција „постигнале договор за испраќање на оружје за бунтовниците во Сирија“. Весникот додава и дека најголемата група вооружени дисиденти се наоѓа во турската провинција Хатај, во близина на границата со Сирија./крај/птв/сана/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ хит во Кина: 300 милиони луѓе го гледале интервјуто на претседателот на Србија за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.