Коалицијата на здруженија на граѓани во рамките на одбележувањето на Европскиот ден за Правдата на Пациентите активно се вклучува во европската кампања под мотото „Граѓаните во центарот на здравствената политика“.

Коалицијата на здруженија на граѓани во рамките на одбележувањето на Европскиот ден за Правдата на Пациентите активно се вклучува во европската кампања под мотото „Граѓаните во центарот на здравствената политика“.

Здруженијата на граѓани по повод Европски ден на Пациентите денешниот ден го посветува на пациентите со хронични заболувања во Македонија и нивната потреба за континуирано достапни и квалитетни лекови.

Тие апелираат до Фондот за здравство и Министерството за здравство да се соочат со загрижувачката ситуација во која се наоѓаат пациентите.

„Итно на сите групи на граѓани кои се хронично болни да им се врати одземеното стекнато право за користење на неопходните лекови од позитивна листа, да се направи ревизија на позитивната листа која не е обновена веќе две години поради што пациентите се лишени од можноста на неа да бидат ставени поквалитетни и посовремени лекови“, рече професорката Весна Стефановска, член  на коалицијата на здруженија на граѓани.

Стефановска побара да се формира Собрание на осигуреници со кое ќе биде овозможено нивно активно вклучување во процесот на одлучување за  прашања од интерес на осигурениците и да им се овозможи пациентите,континуирано и лесно да ги наоѓаат лековите на рецепт во аптеките.

Овие барања ги застапуваат неколку здруженија на граѓани меѓу кои, Нефрон, Животна искра-Антиканцер здружение, Пеперутка, Хепта,Здружение на пациенти со дијабетес, Здружение на лица со мултиплекс склероза, Национална фондација за трансплантација и Друштво на пријателство на жени од турска националност./крај/ин