Свет
Следната цел на WikiLeaks се големите американски банки
Големите американски банки ќе бидат следна цел на објавување на доверливи документи на интернет страната Викиликс на почетокот на 2011 г., изјави нејзиниот основач Џулијан Асанж за интервјуто за списанието Forbes обајвено во понеделникот
Поранешниот австралиски новинар Џулијан Асанж во интервјуто наведува дека на почетокот на следната година планира да објави значително количество податоци за „големите амрикански банки“ кои откриваат „флагрантно кршење“ на прописи што би можело „да урне една или две банки“.„Ова не е голем материјал како тој за Ирак, но се работи за десетици или стотици документи, во зависност од тоа како ќе ги дешифрирате“, вели Асанж за Forbes.Тој додал дека WikiLeaks досега давал приоритет во објавувањето на документи кои се однесуваат на владата и меѓународните односи, но се проценува дека околу 50 проценти од достапните информации се во врска со приватните компании.Страницата WikiLeaks во неделата започна со објавата на повеќе од 250 илјади доверливи дипломатски документи на Стејт департменот, што предизвика остра осуда на Вашингтон и доведе до покренување на кривични истраги во САД поради кражбата на доверливите документи од Државната тајна служба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.