Атинската полиција води преговори со претставници на наставниците кои во понеделник го окупираа студиото на грчката државна телевизија за време на интервјуто со министерот за образование, рекле полициски извор за странските агенции

„Околу десет лица влегле во студиото во времето кога имаше емитувањето на интервју со министерот за образование и се’ уште се таму“, изјавил извор на РИА Новости.Портпаролот на атинската полиција не можел да соопшти повеќе детали за инцидентот.Коко што јавува Атинската новинска агенција, во зградата се судриле околу 50 штрајкувачи и припадници на полициските единици за спречување безредија, кој го одбиле демонстрантите. Сепак, една мала група штрајкувачи успеала да влезе во студиото и да го прекине емитувањето на главниот државен канал NET.Според агенцијата, штрајкувачите ги прекинале телефонските врски со студиото.Нема повредени или апсења, јавува Associated Press, повикувајќи се на полициски извири. Според изворот на агенцијата, десетина демонстранти насилно со кршење влегле во студиото, прекинувајќи го снимањето на интервјуто со министерката за образование Ана Диамантопоулу која не била повредена, додека телевизијата ги прекинала програмата која одела во живо. Како натрапници во телевизијата биле идентификувани синдикални лидери на наставиците и учиетелите во државните училишта кои во понеделник протестираа против рестриктивните мерки на владата на премиерот Јоргос Папандреу и образовната политика. Уште околу 70 демонстранти се собрале пред зградата на телевизиската станица, но полицијата го спречила нивниот влез.