Црна хроника
Притвор за убијците на деветнаесетгодишникот кај Бит пазар
По сознанијата од Министерството за внатрешни работи дека во полициска станица пристапиле две лица, од кои еден малолетник, кои се пријавиле како извршители на кривично дело убиство, надлежниот јавен обвинител од Основното јавно обвинителство – Скопје издаде наредба за препознавање.
На извршеното препознавање еден од оштетените ги препознал пријавените како сторители на кривичното дело во кое животот го загуби 19-годишно лице.Поради комплексноста на настанот, времето на случување на кривичното дело во вечерните часови, како и претходно извршеното препознавање при кое оштетениот препозна друго осомничено лице на кое веќе за овој кривично правен настан е определена мерка притвор, Основното јавно обвинителство -Скопје итно презема мерки за расветлување на настанот.Надлежен обвинител достави Предлог за определување на мерка притвор за полнолетното лице кое беше едно од ново пријавените. Согласно на утврдените факти во предметот, за осомничениот е донесена наредба за спроведување на истражна постапка за сторено кривично дело убиство од Кривичниот законик. Судија на претходна постапка од Основниот суд Скопје 1 – Скопје го прифати предлогот и на осомниченото лице му е изречена мерка притвор во времетраење од триесет дена.За малолетникот кој исто така се товари за сторено кривично дело убиство, но и за телесна повреда поведена е постапка пред судија за малолетници, каде е поднесено барање и за определување на мерка притвор. Судијата има донесено решение со кое на малолетното осомничено лице му е изречен притвор со времетраење од триесет дена.Надлежниот суд на претходно осомничениот му го укина притворот и му изрече мерки за обезбедување. Постапката во обвинителството продолжува со преземање мерки и дејствија со цел утврдување на фактите во предметот./крајсо/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец од Струмица, одземеното вратено на сопственикот
Вчера во 18.20 часот во Струмица, полициски службеници од СВР Струмица го лишиле од слобода Ѓ.Д.(25) од Струмица. Тој се сомничи дека истиот ден извршил кражба во магацин во село Дабиле, струмичко, при што одзел повеќе предмети.
Во службен разговор во полициска станица тој го признал делото и кај него биле пронајдени украдените предмети, кои се вратени на сопственикот. За настанот бил запознаен јавен обвинител од Основното јавно обвинителство Струмица и по негово документирање против лицето ќе биде поднесена соодветна пријава.
Црна хроника
Приведени двајца криумчари, пронајдени мигранти од Кина
По преземени мерки и активности, вчера во 17.40 и во 18.20 часот, полициски службеници од Полициската станица за граничен надзор Сопот при Регионалниот центар за гранични работи Север ги лишиле од слобода Д.М.(26) од Гевгелија, со живеалиште во Богданци и В.А.(28) од Пакистан, поради сомнение за сторено кривично дело „криумчарење мигранти“.
Претходно, В.А. бил забележан како од железничката пруга кај с.Табановце, кумановско, презема шест лица мигранти од Кина и ги спроведува во близина на автопатот „Пријателство“ кај селото Табановце, по што заминал. Набргу, на местото пристигнал Д.М. со патничко возило „бмв“ со скопски регистарски ознаки, во кое ги сместил мигрантите и се упатил кон Куманово.
По преземени мерки, возилото било запрено, по што Д.М. бил лишен од слобода, возилото било одземено, а мигрантите сместени во прифатен центар. Исто така, по преземени мерки, набргу бил пронајден и лишен од слобода и В.А.. Лицата биле предадени на полициски службеници од СВР Куманово за понатамошна постапка.
Црна хроника
Грчки државјанин на „Табановце“ дал пасош со пари, приведен е за поткуп
Вчера на Граничен премин Табановце, полициски службеници гоприведоа Д.К.(49) од Република Грција, поради сомнение за сторено кривично дело „давање поткуп“.
При пасошка и гранична контрола на возилото „форд“ со германски национални ознаки, кое го управувал, тој во својата патна исправа ставил пари како поткуп, објави МВР.
Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка.