Црна хроника
Се преврте возило полно со мигранти
Осум мигранти се повредени во сообраќајка, кога возилото со кое се превезувале, бегајќи од полицијата се превртело на патот кон Валандово.
Како што соопшти полицијата, во понеделникот, околу 5.30 часот мешовита полициска патрола, во реонот на село Богородица биле забележала три патнички моторни возила „Ауди“ сите со скопски регистарски ознаки.
Првото возило имало улога на „чистач“, додека во другите се превезувале мигранти.
Во координација со друга патрола направен е обид за сопирање на возилата, кои на даден знак за сопирање не застанале и со голема брзина наместо кон Скопје продолжиле со движење кон Валандово, при што едното возило кај крстосницата Брајковци-Пирава-Валандово излетало од коловоз и се превртело.
Возачот побегнал, а со повреди се здобиле осум мигранти, кои со две амбулантни возила се пренесени во болницата во Гевгелија, каде им се констатирани телесни повреди.
Се работи за шест лица од Мароко и две од Пакистан.
Мешовитата патрола продолжила со следење на другото возило по регионалниот пат Струмица-Штип и во близина на село Градошорци заедно со патрола од Струмица било сопрено при што во возилото пронајдени се 10 илегални мигранти и тоа четири од Либија, две од Пакистан, три од Алжир и еден од Мароко, како и возачот З.Р.(28) од Скопје.
Третото возило не е пронајдено. Се преземаат мерки за целосно расчистување и документирање на настанот.
Исто така, во вторник, половина час по полноќ на автопатот Скопје-Гевгелија во близина на с.Удово, од страна на мешовит патролен тим, забележано е возило „Шаран“ со скопски регистарски ознаки управувано од А.Е.(25) од Албанија, во кое се пронајдени 12 илегални мигранти од Сомалија, Иран и Бангладеш.
Возачот е лишен од слобода, а илегалните мигранти се приведени во ГП „Богородица“ за понатамошна постапка. Се преземаат мерки за целосно расчистување и документирање на настанот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Велешанец приведен со 1,62 промили алкохол, нападнал и полицаец
Полициски службеници од СВР Велес ноќеска во 02.10 часот го лишиле од слобода 49-годишниот М.Н. од Велес откако при контрола на ул. „Благој Ѓорев“ утврдиле дека вози со 1,62 промили алкохол во крвта. Откако бил приведен нападнал полициски службеник.
Како што денеска информираат од СВР Велес, при сообраќајна контрола било сопрено патничко возило „рено“ со скопски регистарски ознаки, што го управувал М.Н. и по преземени мерки било констатирано дека е под дејство на алкохол, односно му биле измерени 1,62 промили алкохол во крвта. Тој бил приведен во полициска станица, каде физички нападнал полициски службеник. Известен бил јавен обвинител и по документирање на настаните, против него ќе бидат поднесени пријави по член 297-а и 383 од Кривичниот законик за „безобѕирно управување со моторно возило“ и „напад врз службено лице при вршење работи на безбедноста“, најавија од СВР Велес.
Црна хроника
Почина малолетник, со мопед удрил во бетонски столб
Малолетник починал откако со мопед удрил во бетонски столб во неготинско Тимјаник, информираа денеска од Секторот за внатрешни работи Велес.
– Денеска во ОВР Неготино е пријавено дека во 00:50 часот, во село Тимјаник, неготинско, мопед „лонгија“ со неготински регистарски ознаки, управуван од 17-годишник од село Тимјаник, удрил во бетонски столб. Од здобиените повреди, на местото на настанот починал возачот, а смрт констатирал лекар од Итна медицинска помош Неготино. Увид извршиле јавен обвинител и увидна екипа од ОВР Неготино, соопштија од СВР Велес.
По наредба на јавен обвинител, телото на починатиот малолетник било дадено на обдукција.
Црна хроника
Возач на ауди прегази полицаец и избега
Инцидент се случи вчера во Тетово, кога 28-годишниот Е.А. од село Порој со своето возило „ауди“ удрил во полициски службеник кој се обидел да го запре.
Настанот се случил околу 12:50 часот на кружниот тек кај улиците „Илинденска“ и „Маршал Тито“. Возачот одбил да застане на знакот „стоп“, го удрил полицаецот и избегал, но набрзо бил пронајден и уапсен. На повредениот службеник му е укажана помош во Клиничката болница Тетово.

