Црна хроника
Во САД ограбени при транспорт 4,8 млн долари во злато

Тројца вооружени мажи кои се во бегство откако ограбиле злато во вредност од 4,8 милиони американски долари од блиндиран камион кои го превезувал по автопат во источниот дел од американската сојузна држава Северна Каролина.
Двајцата вооружени обезбедувачи коишто ги изнајмила транспортната компанија „TransValue Inc.“, објави американската полиција во понеделникот за грабежот кој се одиграл изминатата ноќ.
Стражарите изјавиле во полициското сослушување дека нивниот камион кој превезувал пратка злато и сребро од Флорида во Масачусетс имал механички проблем, додека се наоѓале на околу 80 километри од главниот град на Северна Каролина – Роли, па застанале на помошната лента.
Додека биле паркирани им пришле тројца вооружени мажи во комби, им наредиле да легнат на земјата и им ги врзале рацете на грбот. Ги натерале да одат во шумата и потоа заминале со златните прачки со тежина од околу 125 килограми чија вредност е проценета на 4,8 милиони долари, соопшти полицијата.
Транспортната компанија на блиндираните возила „ Transvalue Inc“ од Мајами понуди награда од 50.000 долари за откривање и апсење на ограбувачите./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.