Како дел од заедничкиот напор да ја засилат заштитата на сè поголемиот број деца и други лица со специфични потреби кои доаѓаат во Европа, УНХЦР, Агенцијата на ОН за бегалци, и УНИЦЕФ воспоставуваат посебни центри за поддршка на деца и семејства долж најчесто користените рути за миграција во Европа. 

Дваесет центри за поддршка на деца и семејства, кои ќе бидат познати како „сини точки“, на едно место ќе овозможат безбеден простор за децата и нивните семејства, основни услуги, игра, заштита и советување. Целта на центрите е поддршка на ранливите семејства во движење, особено на многуте деца без придружба или одвоени од семејствата, а кои се изложени наризик од болести, трауми, насилство, експлоатација и трговија со деца.

Додека состојбата и натаму се развива, во моментов првите центри се веќе во функција или ќе се отворат во Грција, поранешната југословенска Република Македонија, Србија, Хрватска и Словенија. Сите 20 ќе станат функционални во следните три месеци.

Центрите со „сина точка“ доаѓаат во време кога жените и децата сочинуваат две третини од лицата што преминуваат во Европа: во февруари, жените и децата претставуваа речиси 60 проценти од пристигнувањата по море во споредба со 27 проценти во септември 2015 година.Исто така, нивната цел ќе биде да се идентификуваат и да се заштитат децата и адолесцентите кои патуваат сами и повторно да се обединат со семејстватасекаде каде што тоа е можно, во зависност од најдобриот интерес за нив.

„Загрижени сме за благосостојбата на непридружуваните и незаштитени момчиња и девојчиња во движење низ Европа, од кои многумина доживеале војна и страдање одејќи на овој пат сами“, вели Помошникна Високиот комесар на УНХЦР за заштита на бегалци, Волкер Турк. „Центрите ќе играат клучна улога при идентификување на овие деца и обезбедување на заштитата што им е потребна во непознатата средина, каде може да бидат изложени на ризик“, додаде тој.

„Животот на децата во движење е целосно испревртен, тие се соочуваат со немир и нестабилност на секој чекор од патот. Центрите ќе понудат дозапредвидливост, сигурност и безбедност во нивниот неизвесен живот, место каде може да добијат помош и поддршка, што е право на секое дете. А ќе придонесат и за поцврсти државнисистеми за заштита на децата“, вели Мари-Пјер Поарие, специјален координатор на УНИЦЕФ за бегалско-мигрантската криза во Европа.

Но, идентификувањето на децата кои имаат потреба од помош е предизвик. Во некои земји, младите патници се преправаат дека се полнолетни за да избегнат одложување или задржување при патувањето, изложувајќи се на ризик од експлоатација. Лани, повеќе од 90 илјади деца без придружба или разделени од семејствата се регистрирале и побарале азил, или биле ставени под заштита во Европа, главно во Германија и Шведска.

Центрите за поддршка на децата и семејствата ќе бидат јасно препознатливи и ќе обезбедуваат стандардизиран и постојан основен пакет услуги што ќе ги даваат различни организации, вклучувајќи ги и националниот Црвен крст и невладините партнери. Сепак, тие не ја заменуваат одговорноста и обврската на државите да направат сè што можат за да ги поддржат и да ги заштитат непридружуваните и децата разделени од семејствата, и да спречат сексуално и родово насилство.

Центрите ќе се наоѓаат на избрани стратешки места – на граничните премини, местата за регистрација, во одредени стратешки урбани центри – како и кај мобилните/теренски тимови./крај/мф/бс