Македонија
Каргов на Светски конгрес за борба против фалсификување и пиратерија
Директорот на Царинската управа Ванчо Каргов учествува на Седмиот Светски конгрес за борба против фалсификување и пиратерија, што се одржува во Истанбул од 24 до 26 април 2013 година.
Седмиот Светски конгрес е организиран од Светската царинска организација (СЦО), Светската организација за интелектуална сопственост (WIPO) и ИНТЕРПОЛ, во партнерство со Меѓународната асоцијација за фабрички и трговски марки (INTA) и Меѓународната стопанска комора (ICC). Конгресот е под покровителство на турскиот претседател Реџеп Таип Ердоган.
Покрај обраќањата на Генералниот секретар на СЦО и челниците на организаторите, на присутните ќе им се обрати и директорот на Царинската управа на Република Македонија, Ванчо Каргов кој ќе настапи со свое излагање за новите регионални трендови и шеми во фалсификувањето и пиратеријата, техники и алатки за спроведување на законот, најнови достигнувања преку оперативни гранична соработка за спроведување на законот и што може да се направи за справување со новите предизвици во областа на заштита на правата на интелектуална сопственост.
Делегатите на конгресот ќе дискутираат и за моменталната ситуација во полето на интелектуалната сопственост, ќе ги разгледаат начините на поврзување на разните карики кои постојат помеѓу понудата и побарувачката на фалсификувана и пиратска стока, напредокот остварен кај начинот на кој функционерите задолжени за сузбивање на измама и за спроведување на законот и носителите на права се справуваат со фалсификувањето и пиратеријата на интернет.
Ќе разгледаат дополнителни мерки во поглед на запирање на протокот на стоки кои повредуваат права на интелектуална сопственост и претставуваат закана за здравјето и јавната безбеднoст, ќе дадат дополнително појаснување за судските пракси и последни промени на судското право во врска со належноста по повреди на права од интелектуална сопственост, а ќе го разгледаат и разните средства/технологии што се на располагање на приватниот/јавниот сектор за борба против фалсификување и пиратерија. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.