Македонија
Солидарност: Со законот за стечајците Владата прави привид дека го решава проблемот
Владата има пари да ги заштити стечајните работници и за нив на годишно ниво ќе треба да одвои по околу 13 милиони евра, а со тоа би го затворила овој проблем и би обезбедила еден нормален живот за овие луѓе без притоа да направи незамисливо оптоварување на државниот буџет, се вели во реакцијата до медиумите испратена од Левичарското движење „Солидарност“.
„За решавање на проблемот со старото девизно штедење државата одвојуваше годишно по 52 милиони евра од Буџетот цели 10 години. Вкупно, за тие 10 години од Буџетот на Република Македонија исплатени се 576 милиони евра што во споредба со 13 милиони евра колку што се потребни за згрижување на околу шест илјади стечајни работници, при поголем буџет, се далеку повеќе“, се истакнува во соопштението.
Левичарското движење „Солидарност“ прашува како е можно на државата да не и е проблем да издвојува по 52 милиони евра годишно, а 13 милиони евра годишно се проблем.
Од таму тврдат дека пари за стечајците има, но политичка воља за решавање на проблемот нема додавајќи дека се согласуваат со ставот на стечајците кои тврдат дека со новиот законот за материјално обештетување на стечајните работници нема да бидат опфатени три илјади стечајци колку што изнесува проценката на Владата и дека условите за стекнување паричен надомест се така дефинирани за да се стекне само привид дека се нуди решение за проблемот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.