Жител на струшкото село Велешта е повреден во пукање што се случило ноќеска, неколку минути по полноќ во селото, соопшти СВР Охрид.

Инцидентот се случил кога триесет и шестгодишниопт жител се враќал дома. Откако го паркирал автомобилот покрај својот дом, забележал дека на неколку метри од куќата има паркирано возило „Ровер“.„Од „роверот“ излегле две непознати лица, од кои едното веднаш испукало повеќе куршуми, по што и двајцата го напуштиле местото“, информира портпаролот на СВР Охрид, Стефан Димоски.Повредениот бил пренесен во струшката болница каде биле констатирани повеќе огнено стрелни рани, по што врз него била извршена хируршка интервенција која траела неколку часа. Повредениот во моментов се наоѓа во стабилна состојба .На лице место извршен е увид, при што се подигнати повеќе предмети меѓу кои осум чаури, еден проектил и дел од проектил. Се работи на расчистување на случајот. /крај/ох