Регион
Црногорското обвинителство бара од Русија сослушување на двајцата осомничени за тероризам
Црногорското Специјалното обвинителство за организиран криминал ќе побарата меѓународна правна помош околу истражните податоци на надлежните тела во Русија, како и сослушување на двајцата руски државјани за кои постојат основани сомненија дека се организатори на планираните терористички напади во изборната ноќ на 16-ти октомври, пренесува Hina.
Според црногорските медиуми, со самото тоа што Специјалното обвинителство, но и министерството за правосудство ќе посегнат по меѓународна правна помош укажува на тоа дека црногорските истражни органи го знаат идентитетот на руските државјани и распологаат со докази за нивното учество во плановите за 16-ти октомври на територијата на Црна Гора, кога требаше да биде изведен напад над црногорскиот премиер Мило Ѓукановиќ и окупирање на парламентот во соработка со опозицијата, во случај на изборна победа на партијата на Ѓукановиќ.
Специјалното обвинителство наскоро ќе побара и испорачување на повеќе српски државјани, во соработка со српските институции и служби, бидејќи има повеќе важни докази за проширување на истрагата на некои лица од Србија кои биле вплеткани во организацијата и спроведувањето на терористичките планови во Црна Гора. Двете земји имаат билатерален договор со кој се овозможува испорачување на домицилни државјани.
Како што пренесува подгоричкиот весник Побједа, српскиот државјанин Братислав Дикиќ, кој Специјалното обвинителство го обвинува за главен организатор на планираните напади и го товари за обид за тероризам, во понеделникот вечерта, по сослушувањето во Обвинителството, бил префрлен во Клиничкиот центар на Црна Гора поради влошена здравствена состојба, а подоцна бил пренесен во една локална болница. Според проценките на затворските лекари, на Дикиќ му е неопходен 24-часовен лекарски надзор. Според дневникот Дан, близок до црногорската опозиција, се шпекулира дека Дикиќ пред сослушувањето се обидел да се самоубие.
Дикиќ беше уапсен на денот на изборите во Црна Гора, на 16-ти октомври вечерта, во акцијата во која бае приведени дваесетина српски државјани под сомневање за планирање на терористички напади. Шестнаесет од нив беа задржани во притвор, додека четворица, пак, беа пуштени да се бранат од слобода./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.