Македонија
Пијана жена не сакала да плати патарина и изела ќотек
Општа тепачка се случи рано утрото на наплатниот пункт на автопатот Тетово-Гостивар, кога три пијани лица одбиле да платат патарина, а потоа
Општа тепачка се случи рано утрото на наплатниот пункт на автопатот Тетово-Гостивар, кога три пијани лица одбиле да платат патарина, а потоа биле нападнати од други нервозни возачи.
Како што соопшти полицијата, М.П. од Скопје под дејство на алкохол управувајќи возило „сузуки свифт„, во кое како сопатници се превезувале М.Д.(31) и В.Х.-Н. (31), физички го нападнала вработениот на патарината, прскајќи го со спреј.
Во меѓувреме на патарината се направила подолга колона од возила и од „бмв„ со странски таблички излегле три лица и едно од нив ја предупредило сопатничката да го тргне возилото.
Откако таа одбила лицето го скршило прозорското стакло и физички ја нападнало М.Д. нанесувајќи и повреди на главата, додека другите две лица ја нападнале В.Х.-Н. нанесувајќи и повреди во главата и телото.
По ова, лицата влегле во возилото и заминале во правец на Скопје. При приведувањето М.П., М.Д. и В.Х.-Н. физички ги нападнале и полицајците, нанесувајќи им видливи повреди./крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.