Вести
Ердоган ја предупреди Русија „да не си игра со оган“
Турскиот претседател Реџеп Тајип Ердоган ја предупреди во петокот Русија „да не си игра со оган“ во контекст на растечката криза меѓу Москва и Анкара по соборувањето на рускиот бомбардер во вторникот од турски ловци во областа на сириско-турската граница во сé уште нејасни околности кога и двете страни тврдат дека инцидентот се одиграл во турскиот односно во сирискиот воздушен простор, а наведе и оти турските власти не знаеле дека станува збор за руско летало, како и дека сака средба со Владимир Путин за намалување на тензиите.
„(Рускиот претседател Владимир) Путин рече дека ’оние коишто имаат двојни стандарди си играат со оган’. Целосно се согласувам со него“, изјави турскиот претседател Реџеп Тајип Ердоган во петокот во северната турска покраина Бајбурт, пренесува турскиот дневен весник Hurriyet.
„Навистина поддршката на (сирискиот претседател Башар ал-) Асад, кој уби 380.000 луѓе, е играње со оган. Напаѓањето на (вооружените сунитски) опозициски групи, кои имаат меѓународен легитимитет со изговор дека се бори против Даеш (арапски акроним на сунитската џихадистичка групација Исламската држава во Ирак и Шам/Левантот – ISIL) е играње со оган. Користење на инцидентот во кој исправноста на Турција е прифатена од целиот свет, како изговор да се мачат нашите граѓани…., е играње со оган. Неодговорното напаѓање на камионите во регионот (во Сирија), кои таму се за тргување или од хуманитарни причини, е играње со оган. Искрено ги советувам Русите да не си играат со оган“, додаде Ердоган.
Потсети дека инцидентот било „трето прекршување“ на турскиот воздушен простор и остана на тврдењето дека рускиот авион е соборен откако го повредил воздушниот простор на неговата земја.
„Нарушувајќи го нашиот воздушен простор авионот беше соборен од нашите F-16. И покрај десетината предупредувања, авионот продолжил да се движи кон нашата граница, а неговата припадност беше непозната. Во согласност со правилата за реагирање во вакви ситуации авионот беше соборен. Дури потоа се дозна, дека авионот бил руски…“, рече Ердоган пред своите приврзаници.
Истакнал и дека „првото нарушување на границите беше на 3-ти и 4-ти октомври“. „Ова беше трета повреда (на воздушниот простор на Турција). По претходните инциденти, му се јавив на претседателот Владимир Путин кој рече дека тоа не е добро. Разговаравме (со Путин) и на самитот на Г20. Тој предложи на тоа да се гледа како инцидент со гости. Му реков дека неканети гости не се потребни“, раскажа турскиот претседател
Турскиот претседател, исто така, изрази подготвеност да се сретне со рускиот колега за време на претстојниот самит за климата во Париз, со цел да најдат заеднички јазик и да се избегне натамошна ескалација на тензиите. Меѓутоа, претходно во петокот портпаролот на Путин соопшти дека Москва не планира средба на двајцата челници во Париз следната седмица, а Путин неколкупати повтори дека очекува извинување за соборувањето на рускиот бомбардер што го оцени како непријателски акти од земја којашто Русија ја сметала за многу блиска.
Во продолжение од говорот Ердоган истакна дека Анкара не сака да ги расипува во односите со Москва. „Сакам со руското раководство да разговараме за ситуацијата. Наскоро ќе се одржи форумот во Париз, претседателот Путин мислам дека таму ќе се појави лично. Можеме да разговараме за сите прашања меѓу нас. Сакам да остварам средба…“, рече и додаде. „Кризата во односите може да ги израдуваат некои, но штетите ќе ги трпат двете страни“, порача Ердоган.
Турскиот претседател ги оценува како неприфатливи изјавите на Путин по средбата со францускиот претседател Франсоа Оланд во четвртокот вечерта во Москва, кога рускиот челник повтори дека со турското соборување на рускиот авиони на Русија ѝ е „зариен нож в грбот“ во борбата против тероризмот, и оти тој е резултат на „поддржувачите на тероризмот“.
„Меѓудржавните односи не се детска играчка. И јас очекувам дека Русија ќе ја покаже својата државна позицијата“, рекол Ердоган.
„Турција никогаш никому не му нанесла удар одзади. Таа секогаш настапувала лице в лице. Ситуацијата со повредата на нашите граници ќе си тече по својата линија, ќе бидат испитани сите детали. Но не ми се допаѓа почетокот на клеветничката хајка против Турција и појавата на закани за нашите односи. Сакам за тоа да разговарам со Владимир Путин“ рече Ердоган додавајќи дека на можната средба „ќе ја изрази својата загриженост не неоправданоста за ескалацијата на ова прашање“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
Шефот на диломатијата на Трамп: Нема средба меѓу Путин и Трамп без напредок за крај на војната
Можниот состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали...
Меџити најавува масовни вработувања во администрацијата: Ќе создадеме илјадници работни места за Албанците
Првиот вицепремиер и претседател на Демократското движење, Изет Меџити, ветува дека Албанците ќе се вработуваат во државната и јавната администрација....
Tрамп му понуди на Зеленски нов договор за минералите
Администрацијата на Трамп и понуди на Украина подобрена верзија од нацрт-договорот за минералите, откако претседателот Володимир Зеленски го налути американскиот...
Шефот на републиканците во Конгресот: Немаме апетит за финансирање на Украина
Претседателот на Претставничкиот дом на САД, Мајк Џонсон, синоќа изјави дека „САД немаат апетит“ за нов закон за финансирање на...
Израел: Телото што ни го врати Хамас не е на мајката на двете момчиња
Едно од четирите тела што вчера беа вратени од Газа во Израел не е на заложничкта Шири Бибас, како што...
Кина го поддржа Трамп во преговорите со Русија за постигнување мир во Украина
Синоќа, на состанокот на Г-20 во Јужна Африка, Кина ги поддржа напорите на американскиот претседател Доналд Трамп да постигне договор...
(Видео) Три празни автобуси експлодираа во Израел: „Ова требаше да биде стратешки терористички напад“
Израелската полиција истражува повеќе експлозии во кои учествувале три автобуси во Бат Јам, град јужно од Тел Авив, во, како...
За 10.000 се намалил бројот на баратели на земјоделски субвенции од 2018 досега: враќање на земјоделските задруги за поефикасно субвенционирање
Со нов начин на субвенционирање Министерството за земјоделство шумарство и водостопанство ќе ја укинува праксата парите од субвенциите да се...
Жерновски отповикан од функцијата амбасадор во Романија: дознал од „Службен весник“
Македонскиот амбасадор во Романија, Андреј Жерновски, е отповикан од должноста, а за одлуката, како што напиша на социјалните мрежи, дознал...
Повисока за 521 денар: минималната синдикална кошничка за февруари изнесува 63.773 денари
Минималната синдикална кошница за февруари изнесува 63.773 денари и е 521 денари повисока отколку во јануари годинава кога беше 63.252...
„Вреди“: М-НАВ е најјасниот пример за тоа како ДУИ ги „заштитила“ Албанците
ДУИ од црната листа нема никаква врска со интересите на Албанците, тие ги користат како штит за да го сокријат...
ЗОО Скопје за последните случувања: Зоонегувателите професионално си ја вршат работата, да престанат дезинформациите и невистините
Зоолошката градина – Скопје моментно е дом на 646 животни од 91 вид за кои се грижат зоонегуватели што професионално...
