Регион
Столтенберг: Поканата за Црна Гора е важен чекор во евроатланската интеграција на западен Балкан

Генералниот секретар на НАТО, Јенс Столтенберг во средата истакна дека одлуката за Црна Гора да добие покана за членство во Северноатланската алијанса претставува „важен чекор во евроатланската интеграција на целиот западен Балкан и дава до знаење дека НАТО ги држи своите врати отворени, за да ја комплетира својата визија за слободна и мирна Европа“.
Одлуката за да се покани Црна Гора беше донесена на северноатланскиот совет на ниво на министрите за надворешни работи на земјите членки. Од 2009-та година НАТО и Црна Гора работат на акцискиот план за членство (МАП), кој им помага на земјите да се подготват за членство во оваа организација. Столтенберг во средата исто така додал дека одлуката ја потврдила „посветеноста на Црна Гора кон заедничките вредности и меѓународната безбедност“.
Столтенберг додал дека сега е важно Црна Гора да продолжи со реформскиот пат, односно на „адаптацијата на одбраната и домашните реформи, особено владеењето на правото, и на овој начин да постигне напредок во домашната поддршка за членството во Алијансата“. Генералниот секретар на Алијансата додал дека тие ќе продолжат да го следат напредокот на земјата во овие области.
Одлуката за покана сега го отвора патот за почеток на пристапните преговори кон почетокот на 2016-та година, а штом тие завршат, Алијансата ќе потпише протокол за зачленување, кој потоа треба да биде ратификуван во парламентите на сите 28 земји членки. Откако ова ќе биде направено, Црна Гора ќе може да му пристапи на Договорот од Вашингтон и да стане членка на Алијансата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора го прогласи 14 август за Ден на жалост поради смртта на војникот

Владата на телефонска седница одлучи задутре, 14 август, да го прогласи за Ден на жалост поради смртта на војникот, кој денес загина при превртување на цистерна додека помагаше во гаснење пожар.
Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Регион
Објавен идентитетот на војникот кој загина во Црна Гора кога се преврте цистерна за гаснење пожар

Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Помладиот водник Божовиќ бил припадник на 1-ви пешадиски баталјон, оженет и татко на четири деца. Тој бил во Армијата од 2006 година и бил митралезец на 120-милиметарски минофрлач.
Повредениот водник Иковиќ, исто така припадник на 1-ви пешадиски баталјон, бил лекуван и префрлен на медицинска помош. Тој има сериозни повреди, но во моментов е во стабилна и свесна состојба.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Фото: Принтскрин
Регион
Додик ја откупи едногодишната затворска казна

Претседателот на Република Српска, Милорад Додик, ги исплати парите што ги искористи за замена на едногодишната затворска казна што ја доби по конечната пресуда за непочитување на одлуките на високиот претставник, објави Кликс.ба.
„Одлучувајќи по барањето на одбраната на осудениот Милорад Додик за замена на изречената затворска казна со парична казна, Судот, во согласност со законските прописи, донесе одлука со која, по изјавата на Обвинителството на БиХ, беше усвоен горенаведениот предлог на одбраната, а затворската казна на осудениот Милорад Додик беше заменета со парична казна“, соопшти Судот на БиХ.
Додик платил 36.500 КМ 18.662 (евра), или 100 КМ за секој од 365-те дена што требало да ги помине зад решетки.
Покрај затворската казна, на Додик му е забрането и политичко дејствување во траење од шест години. Поради овој дел од пресудата, Централната изборна комисија на Босна и Херцеговина му го одзеде мандатот како претседател на Република Српска.
Одлуката на Комисијата денес ја прими неговиот адвокат, Горан Бубиќ, кој поднесе жалба. Се очекува одлуката на Жалбениот совет да биде објавена следната недела.
фото: принтскрин