Регион
Вучиќ задоволен од отворањето на првите поглавја, Хан посакува брз напредок

Српскиот премиер Александар Вучиќ изјави дека отворањето на поглавјата од пристапните преговори со Европската унија (ЕУ), кое ќе се случи на 14-ти декември претставува важен датум за Србија, истовремено изразувајќи му благодарност на еврокомесарот за соседска политика и пристапни преговори, Јоханес Хан поради тоа што и помогнал на земјата на овој пат, пренесуваат српските медиуми.
Српскиот премиер Александар Вучиќ изјави дека отворањето на поглавјата од пристапните преговори со Европската унија (ЕУ), кое ќе се случи на 14-ти декември претставува важен датум за Србија, истовремено изразувајќи му благодарност на еврокомесарот за соседска политика и пристапни преговори, Јоханес Хан поради тоа што и помогнал на земјата на овој пат, пренесуваат српските медиуми.
„Ова е важен ден за нашата земја поради тоа што кога на 14-ти декември ќе бидат отворени првите поглавја (32 и 35) ние како Србија ќе покажеме кон какво општество сакаме да припаѓаме и што е она што сакаме да го изградиме во нашата земја. Ние нашата работа сакаме да ја завршиме пред крајот на 2019-та година“, порача Вучиќ.
Еврокомесарот Хан изјави дека е среќен за Србија бидејќи земјата напорно работела на отворањето на поглавјата, но додаде дека токму сега започнува вистинската работа. Европската унија и Европската комисија можат само да понудат да биде подобро, потсети.
„Тоа не е причина за да се вратите назад, поради тоа што токму сега започнува вистинската работа и мило ми е поради тоа што можам да слушнам вистинска посветеност од страна на премиерот, кој до крајот на својот мандат сака да стигне што е можно подалеку во процесот на пристапните преговори“, рече Хан.
Додаде дека земјата во првата половина на следната година ќе може да отвори и уште две поглавја, односно 23 и 24, што е доста важно за услогласувањето на законодавството на Србија со она на ЕУ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора го прогласи 14 август за Ден на жалост поради смртта на војникот

Владата на телефонска седница одлучи задутре, 14 август, да го прогласи за Ден на жалост поради смртта на војникот, кој денес загина при превртување на цистерна додека помагаше во гаснење пожар.
Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Регион
Објавен идентитетот на војникот кој загина во Црна Гора кога се преврте цистерна за гаснење пожар

Помладиот водник Дејан Божовиќ од Даниловград загина, а водникот Марко Иковиќ се здоби со тешки повреди при гаснење пожар во областа Кучи, во Црна Гора, објави Министерството за одбрана на Црна Гора.
Помладиот водник Божовиќ бил припадник на 1-ви пешадиски баталјон, оженет и татко на четири деца. Тој бил во Армијата од 2006 година и бил митралезец на 120-милиметарски минофрлач.
Повредениот водник Иковиќ, исто така припадник на 1-ви пешадиски баталјон, бил лекуван и префрлен на медицинска помош. Тој има сериозни повреди, но во моментов е во стабилна и свесна состојба.
Војската на Црна Гора, во соработка со надлежните органи, спроведува истрага за да се утврди причината и околностите на несреќата.
Фото: Принтскрин
Регион
Додик ја откупи едногодишната затворска казна

Претседателот на Република Српска, Милорад Додик, ги исплати парите што ги искористи за замена на едногодишната затворска казна што ја доби по конечната пресуда за непочитување на одлуките на високиот претставник, објави Кликс.ба.
„Одлучувајќи по барањето на одбраната на осудениот Милорад Додик за замена на изречената затворска казна со парична казна, Судот, во согласност со законските прописи, донесе одлука со која, по изјавата на Обвинителството на БиХ, беше усвоен горенаведениот предлог на одбраната, а затворската казна на осудениот Милорад Додик беше заменета со парична казна“, соопшти Судот на БиХ.
Додик платил 36.500 КМ 18.662 (евра), или 100 КМ за секој од 365-те дена што требало да ги помине зад решетки.
Покрај затворската казна, на Додик му е забрането и политичко дејствување во траење од шест години. Поради овој дел од пресудата, Централната изборна комисија на Босна и Херцеговина му го одзеде мандатот како претседател на Република Српска.
Одлуката на Комисијата денес ја прими неговиот адвокат, Горан Бубиќ, кој поднесе жалба. Се очекува одлуката на Жалбениот совет да биде објавена следната недела.
фото: принтскрин