Регион
Хан: ЕУ ќе издвои милијарда евра за подобрување на инфраструктурата во западен Балкан
Еврокомесарот за соседска политика и пристапни преговори, Јоханес Хан во средата на неформалниот состанок на министрите за надворешни работи и транспорт на земјите од регионот во Приштина, најави дека Европската унија (ЕУ) ќе издвои милијарда евра за подобрувањето на инфраструктурата во земјите од западен Балкан, пренесува Танјуг.
„Проектите во инфраструкутрата, транспортот и енергетиката се клучни за економскиот развој, привлекувањето на нови инвестиции и отворањето на работни места“, истакна Хан.
Хан изјавил дека веќе во 2015 година ќе бидат достапни сто милиони евра од ИПА фондовите, како грант на инвестицијата.
„На 21-ви април во Брисел ќе бидеме домаќини на премиерите на земјите од регионот за да добиеме согласност на ова ниво“, рече Хан.
Австрискот еврокомесар додал дека потоа во август во Виена официјално ќе бидат претставени приоритетните проеки за инфраструктурниот развој на западен Балкан и подобрувањето на транспортот, патниот и железничкот превоз, и додал дека проектите се најдобрата гаранција за поврзувањето на луѓето на Балканот и за нивното помирување.
Истакнувајќи ја потребата од усвојување на заедничка транспортна политика за земјите од западен Балкан, Хан рекол дека таа би била обврзувачка за овие земи, но и за ЕУ. Со оглед на тоа што европските фондови се ограничен и, „секое евро ќе мора паметно да се троши“, додал тој, нагласувајќи дека клучна улога ќе имаат и претставниците на власта на национално ниво, односно министрите за финансии.
Европската унија на секој начин ќе им помогне на земјите од регионот успешно да ги реализираат овие проекти и ќе продолжи да им помага во спроведувањето на реформите, со оглед на тоа што сите влади се обврзале на ова, навел Хан, заклучувајќи дека на земјите од регионот не им се потребни големи визионерски проекти, туку што помали, кои можат да се реализираат.
Еврокомесарката за транспорт, Виолета Булц, која на министрите во Приштина им се обрати преку видео линк, порача дека западен Балкан е најважниот регион за прекугранична соработка во Европската унија.
„Верувам дека вашиот регион треба да биде подобро поврзан“, рекла таа и додала дека на западен Балкан му е потребна „транспортна политика“ поради тоа што транспортот е најважен за подигнување на животниот стандард на граѓаните./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.