Македонија
Амбасадорите порачуваат изборите да бидат слободни и фер
Изборите да бидат слободни и фер, порачаа денеска амбасадорите на САД и Британија, Филип Рикер и Кристофер Ивон и евроамбасадорот Петер Соренсен на последниот ден од кампањата „Каков белег ќе оставиме?
„Многу е битно каков белег ќе оставиме како граѓани утре на денот на гласање. Изборите да бидат слободни и фер. Белегот што ќе го оставиме е битен за иднината на Македонија. Ние како амбасада и ОБСЕ ќе ги набљудуваме изборите и се надеваме дека на крајот ќе имаме позитивни извештаи од тоа каков белег имаме оставено на изборите“ – рече американскиот амбасадор Филип Рикер Евроамабсадорот Соренсен рече дека политиката на Европската Унија е да соработува со било која влада која ќе дојде по утрешните предвремени парламентарни избори. „Сите ние како општество се надеваме дека ќе оставиме демократски белег за слободни и фер избори. Знаме дека можете да го достигнете тоа како општество“ – изјави Соренсен. Британскиот амбасадор Кристофер Ивон го истакна правилото „Еден човек еден глас“ „Се надевам дека гласачите ќе имаат доверба во тоа дека нивниот глас е личен индивидуален и таен. Ќе веруваат дека начинот на којшто тие го даваат гласот е сосема слободен, без притисоци и таен“ – истакна амбасадорот Ивон. Националниот карван „Остави го својот белег“ по тринеделно патување низ западна и источна Македонија завршува денеска во градскиот парк. Во рамките на кампањата беше вклучен и Кодексот на однесување за слободни и фер избори што го потпишаа 38 лидери на политички партии. Кампањата ја организираа Националниот Демократски Институт (НДИ), Мост, Метаморфозис, Македонското женско лоби и Институтот за парламентарна демократија. „Со карванот се контактирани над 40 илјади граѓани и од двете стани на земјата каде што помина карванот. Постои само еден белег кој што се остава за слободни и фер избори, тоа е белегот што го оставија граѓаните во изминативе неколку недели“ – рече Крис Хеншоу од НДИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нестабилно време со дожд и грмежи до среда
По врнежите и невремето по кое во текот на ноќта полавени беа подруми во Охрид, од УХМР најавуваат дека до среда ќе се задржи нестабилно време, претежно во попладневните часови со локален пороен дожд и грмежи.
Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок.
Температурите ќе бидат без значителна промена.
Македонија
Делови од Аеродром, Карпош и Ѓорче Петров утре без струја
Без електрична енергија утре ќе останат делови од општините Аеродром, Карпош и Ѓорче Петров.
Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.