Црна хроника
Арачиновец осомничен за насилство кон градоначалникот; Обвинителството поведе постапка

Јавен обвинител од Основното јавно обвинителство Скопје поведе постапка против едно лице за кое постои сомнение дека сторило кривично дело – Насилство согласно член 386 став 1 од Кривичниот законик.
Осомничениот, 69-годишен арачиновец, на 23 мај без дозвола влегол во канцеларијата на градоначалникот, насилно барајќи да му се додели земјиште во надлежност на Општина Арачиново. Откако не го нашол во канцеларијата, го пресретнал градоначалникот во дворот, започнал грубо да го навредува, да му се заканува и насилнички да се однесува.
Со цел обезбедување на присуството на осомничениот и непречено водење на кривичната постапка, јавниот обвинител до судијата на претходна постапка од Основниот кривичен суд Скопје поднесе предлог за определување мерки на претпазливост – обврска осомничениот да се јавува повремено на определено службено лице или кај надлежен државен орган, забрана за посетување на службените простории на Општина Арачиново, како и забрана за приближување или воспоставување контакти со градоначалникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ранет 40-годишен маж во пукање во Чаир

Во пукање во Чаир повреден е 40-годишен маж.
Според информациите, тој ноќеска бил донесен во приватна болница со повреда од огнено оружје.
„На 08.06.2023 во 02.12 часот во СВР Скопје, од приватна болница во Скопје било пријавено дека кај нив со повреда од огнено оружје бил донесен В.А.(40) од Скопје. По преземени мерки било утврдено дека на ул.„Крсте Асенов“ во населба Чаир едно лице од пиштол пукало кон В.А.. На местото биле пронајдени две чаури. Се преземаат мерки за расчистување на настанот“ соопшти МВР.
Црна хроника
Жена нападнала маж во стан во Охрид, а потоа искршила и дел од покуќнината

Синоќа, во 21.50 часот, во СВР Охрид било пријавено дека во стан на улицата Славеј Планина во Охрид, М. М. физички го нападнала М. К. (42), двајцата од Скопје.
Според полицијата, таа потоа оштетила дел од покуќнината.
По документирање на случајот, против неа ќе биде поднесена соодветна пријава, информира МВР.
Црна хроника
Ја злоупотребила службената положба, кривична против директорка на градинка во Штип

СВР Штип до надлежното Основно јавно обвинителство поднесе кривична пријава против Н. М. (39) од Штип поради постоење основи на сомнение за сторени кривични дела злоупотреба на службената положба и овластувањето и попречување на правдата.
Пријавената, во својство на вршител на должност директор на општинската јавна установа – Детска градинка во Штип, на 22.12.2022, по спроведена постапка за јавна набавка на детски реквизити и монтажа на детски реквизити, иако доставата и монтажата не биле завршени, извршила исплата на економскиот оператор, со што предизвикала штета на буџетот на Република Северна Македонија за сума од 2.593.601 денар.