Излезе на површина несериозноста, неодговорноста и поигрувањето на Слободан Трендафилов со чувствата и иднината на работниците, истакнуваат од ВМРО-ДПМНЕ.

„Откако се постигна договор и се закажа средба меѓу Владата и гранковиот синдикат УПОЗ за зголемување на платите на административните службеници и до 40%, претседателот на ССМ се јави на социјалните мрежи.

Во стил на инфлуенсер, Трендафилов објави статус со фотографија како седи сам во празните простории на синдикатот, при што пишува дека чекал да дојде претставник на Владата за да се потпише договор за зголемување на платите.

Ова е само уште една потврда на тезите дека барањата на Слободан Трендафилов не се барања од и за работниците, туку се барања со политичка заднина и дека зад оваа раководство на ССМ стојат СДС и Левица“.

Ваквото однесување на Трендафилов, додават од владејачката партија, не е ништо друго освен обичен театар за широката маса, во која тој изигрува жртва, а виновна е владата.

„На него никогаш не му било до зголемување на платите на работниците, туку целта единствено му било да се наштети на Владата предводена од ВМРО-ДПМНЕ, што е иста политичка агенда со таа на СДС и Левица.

Оттука се јавува потреба да се постави прашањето, дали СДС и Левица му ги пишуваат барањата на ССМ и Трендафилов?“

Изминатиот период Владата предводена од ВМРО-ДПМНЕ, појаснуваат од партијата, потпиша нови колективни договори и ги зголеми платите во образование, здравство, полиција, одбрана, социјала и другите сектори, но за тоа Трендафилов ништо не кажа.

„Исто како што збор не изусти за ценовните шокови во време на власт на СДС и ДУИ, кога инфлацијата рушеше двоцифрени рекорди, кога сметките за струја се зголемија за над 50% и молчеше кога во неколку државни институции со месеци немаше плати.

Исто така, потсетуваме дека во изминатите години на власт на СДС, се потпишаа колективни договори во разни државни институции и сектори, без одобрение од министерството за финансии. Тоа значи, СДС и ССМ си потпишале договори без претходно одобрени средства, што е спротивно на условите за потпишување на колективен договор и уште едно изигрување на работниците за политички цели.

Со овие политички игри и лицемерие Трендафилов и ССМ покажуваат дека не се борат за работниците, туку соработуваат и работат во корист на СДС и Левица против власта предводена од ВМРО-ДПМНЕ“.

Милијардерката и филантроп Мелинда Френч Гејтс изјави дека споменувањето на нејзиниот поранешен сопруг Бил Гејтс во новите документи поврзани со покојниот сексуален престапник Џефри Епстин е потсетник на „болните времиња во бракот“.

Во разговор за подкаст на NPR, таа рече дека чувствува „огромна тага“ за жртвите на Епстин и дека луѓето именувани во досиејата, вклучувајќи го и нејзиниот поранешен сопруг, мора да бидат одговорни, објави Би-Би-Си.

„Многу сум среќна што сум подалеку од целата таа нечистотија“, рече Френч Гејтс.

Двојката се разведе во 2021 година по 27 години брак.

„Лично, ми е тешко секој пат кога овие детали излегуваат на виделина бидејќи ме враќаат во некои многу, многу болни времиња во мојот брак“, рече таа во подкастот „Wild Card“.

Таа додаде: „Какви и да се прашањата што остануваат неодговорени – а не можам ни да замислам што се сите – тоа се прашања за тие луѓе, вклучувајќи го и мојот поранешен сопруг. Тие треба да одговорат на тие работи, а не јас“.

Документите објавени од Министерството за правда на САД го вклучуваат тврдењето на Епстин дека Бил Гејтс се заразил со сексуално пренослива болест. Се чини дека Епстин составил две е-пораки на 18 јули 2013 година, но не е јасно дали некогаш биле испратени до Гејтс.

Двата биле испратени од е-поштата на Епстин и вратени на истата сметка, при што адресата поврзана со Гејтс не била видлива, а пораките биле непотпишани. Еден мејл бил напишан како писмо за оставка од Фондацијата на Бил и Мелинда Гејтс, во кое се жали дека морал да купи лекови за Бил „за да се справи со последиците од сексуалниот однос“.

Во вториот мејл, кој започнува со „драг Бил“, Епстин се жали што Гејтс го прекинал нивното пријателство и изнесува дополнителни обвинувања дека Гејтс се обидел да скрие сексуално пренослива инфекција, вклучително и од неговата тогашна сопруга Мелинда.

Нови документи објавени од Министерството за правда на САД открија бизарни и шокантни детали за блиската врска помеѓу Султан Ахмед бин Сулајем, извршниот директор на логистичкиот гигант ДП Ворлд со седиште во Дубаи, и осудениот педофил Џефри Епстин.

Документите, кои содржат приватна преписка преку е-маилови, покажуваат дека Сулајем и Епстин одржувале блиска комуникација со години откако Епстин првпат беше осуден за сексуални злосторства.

Преписката од јуни 2013 година особено го привлече вниманието на јавноста, покажувајќи неверојатен контраст во темите што се дискутираа помеѓу двајцата моќни мажи.

Во е-поштата, насловена како „Дали Куранот вели да не се земаат Евреи и христијани за пријатели?“, Сулајем се вклучува во теолошка дебата со Епстин. Тој толкува религиозни текстови за него и нагласува дека Куранот дозволува брак со „христијани и Евреи“ и дека нема смисла да се забранува пријателство со нив.

Сепак, тонот драстично се менува во последниот дел од одговорот на Сулајем, каде што теолошката дискусија се претвора во вулгарно фалење.

Сулајем му пишува на Епстин: „Ти благодарам, пријателе мој. Ќе пробам свежа, стопроцентно Русинка на мојата јахта.“

Епстин му одговара со ласкави зборови: „Она што го знам со сигурност е дека си еден од моите најдоверливи пријатели во секоја смисла на зборот. Никогаш не ме разочара, ниту еднаш, ниту на половина пат.“

Покрај оваа преписка, „Фајненшл тајмс“ вели дека документите откриваат како шефот на „ДП Ворлд“ помогнал во организирањето обука за руска „масерка“ од „приватниот спа-центар“ на Епстин.

Според е-поштата од 2017 година, Сулајем организирал девојката да биде испратена во хотелот „Риксос“ во Анталија, Турција, за да „стекне повеќе искуство“. Епстин во преписката нагласил дека сакал таа „да научи што е можно повеќе“.

Документите откриваат и други вознемирувачки пораки. Во една размена од 2016 година, Епстин му напишал кратка порака на Сулајем: „Ниту една девојка во Дубаи не е безбедна вечерва“. Контекстот на оваа порака не е целосно разјаснет во документите. Сулајем, исто така, наводно му испратил на Епстин линк до порнографска веб-страница во 2015 година, додека договарал посета на Санта Фе, каде што Епстин поседувал ранч.

Овие документи ќе бидат исклучително срамни за „ДП Ворлд“, компанија во сопственост на владата на Дубаи, која вработува повеќе од 100.000 луѓе ширум светот и управува со големи пристаништа, вклучувајќи инвестиции во Лондон и низ цела Африка и Азија.