Во раните утрински часови во СВР Скопје било пријавено дека во двор на напуштена куќа во селото Арачиново, биле фрлени две шишиња со запалива материја.

Според првичните информации, едното од шишињата предизвикало експлозија, а пожарот брзо се проширил. Повредени лица нема, а пожарот бил изгаснат од роднина на сопствениците, кој го пријавил настанот.

Увид бил извршен и се преземаат мерки за расчистување на случајот.

Вчера во 01.40 часот на ул.„Маршал Тито“ во Штип, полициски службеници од СВР Штип ја лишиле од слобода И.М.(22) од Штип затоа што физички нападнала полициски службеник кој извршувал службени дејствија. 

Таа била задржана во полициска станица и по целосно документирање на случајот, против неа ќе биде поднесена соодветна пријава.

Во текот на ноќта во два одделни случаи малолетници биле донесени во бессознание по консумирање алкохол во дискотека во Гостивар. Според информациите од Ургентниот центар во Гостивар, се работи за  малолетна девојка и малолетно момче.

Во 00:55 часот, од Ургентниот центар во Гостивар било пријавено дека малолетна девојка била донесена во бессознание.

Според првичните информации, таа претходно консумирала алкохол во дискотека во Гостивар. Речиси три часа подоцна од Ургентен центар Гостивар повторно било пријавено дека е донесен малолетник во бессознание, по истата причина – консумирање алкохол во дискотека.

Полицијата во двата случаи презема мерки за расчистување.