Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време.

Советот на Европската унија денес одлучи да забрани, на привремена основа, каков било трансфер на средства на Руската централна банка, имобилизирани во ЕУ, од Русија, според соопштението објавено на веб-страницата на Советот на ЕУ.

Оваа одлука, се додава, дека е донесена по итна постапка со цел да се ограничи штетата врз економијата на Унијата.

The EU just decided to indefinitely immobilise Russian assets.

This ensures that up to €210 billion in Russian funds stay on EU soil, unless Russia fully pays reparations to Ukraine for the damage it has caused.

We keep increasing the pressure on Russia until it takes…

— Kaja Kallas (@kajakallas) December 12, 2025

ЕУ сака Украина да остане финансирана и да се бори, бидејќи ја гледа руската инвазија како закана за сопствената безбедност, а за да го постигнат ова, земјите од ЕУ имаат за цел да активираат дел од рускиот суверен имот што го имобилизираа по инвазијата на Москва на Украина во 2022 година, објавува Ројтерс.

Владите на земјите-членки на ЕУ се согласија да замрзнат руски суверен имот во вредност од 210 милијарди евра (246 милијарди долари) колку што е потребно, наместо да гласаат на секои шест месеци за продолжување на замрзнувањето на средствата.

Ова го отстранува ризикот Унгарија и Словачка, кои имаат подобри односи со Москва од другите земји-членки на ЕУ, во одреден момент да одбијат да го продолжат замрзнувањето, принудувајќи ја ЕУ да ги врати парите на Русија, според написите.

Лидерите на ЕУ ќе се состанат на 18 декември за да ги финализираат деталите за заемот за репарации и да ги решат преостанатите прашања, кои вклучуваат гаранции од сите влади на ЕУ до Белгија дека нема да биде оставена сама да ја плати сметката ако потенцијалната тужба на Москва се покаже како успешна.

Пред тоа, украинскиот претседател Володимир Зеленски ќе го посети Берлин во понеделник, каде што ќе разговара со германскиот канцелар Фридрих Мерц, а подоцна ќе им се придружат и други европски лидери на ЕУ и НАТО, објави германската влада.

Германија не гледа алтернатива на заемот за репарации и ќе обезбеди гаранција од 50 милијарди евра, соопштија европски дипломатски извори.

Данската министерка за финансии Стефани Лозе, чија земја претседава со ЕУ, им изјави на новинарите дека „некои загрижености“ сè уште треба да се решат, но дека „се надеваме дека ќе можеме да го отвориме патот за одлука на Европскиот совет следната недела“.

Европскиот економски комесар Валдис Домбровскис изјави дека се подготвуваат цврсти гаранции за Белгија.

Унгарскиот премиер Виктор Орбан изјави дека верува оти потегот на ЕУ да ги замрзне руските средства на неодредено време преку гласање со квалификувано мнозинство – за што е потребна поддршка од 15 од 27-те земји-членки што претставуваат 65 проценти од населението на ЕУ – ќе предизвика непоправлива штета на блокот.

„Унгарија ќе направи сè што може за да ја врати правната состојба на работите“, рече тој на Фејсбук.

Руската централна банка изјави дека плановите на ЕУ да ги користи нејзините средства се нелегални и го задржува правото да ги користи сите расположливи средства за да ги заштити своите интереси.

Банката, исто така, објави дека ќе го тужи централниот депозитар за хартии од вредност „Евроклир“ со седиште во Брисел – кој поседува 185 милијарди евра вкупни средства замрзнати во Европа – пред московскиот суд за, како што наведе, штетни дејствија што влијаат врз неговата способност да располага со своите средства и хартии од вредност.

„Фајненшл тајмс“ објави дека Украина би можела да се приклучи на ЕУ до 1 јануари 2027 година, според предлозите што се разгледуваат во разговорите со посредство на САД за завршување на војната.

Ројтерс објави дека разговорите за пристапување во ЕУ, долгогодишна цел на Киев додека се обидува дополнително да се дистанцира од орбитата на Москва, обично траат со години.

Европски дипломат запознаен со планот изјави дека пристапувањето на Украина ќе биде „исклучително тешко“ да се постигне до 2027 година и дека не е јасно дали раководството на ЕУ го поддржува.

Неколку други европски претставници и дипломати рекоа дека овој датум е „апсолутно невозможен“, пишуваат медиумите.

Фото: депозитфотос

Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што по децении неизвесност конечно ќе го донесе модерниот семеен парк за забава што го заслужува Скопје, информираат од Град Скопје.

Со започнувањето на јавната набавка за проектирање и монтажа, градот, додаваат од таму, влегува во нова фаза на урбана трансформација која ќе понуди современи атракции, целосна пристапност и нови содржини за сите генерации.

„По долги години оддолговлекувања и лажни ветувања, денес започнува јавната набавка за проектирање и монтажа на новиот Луна парк.
По децении изминати во кои генерации деца беа лишени од местото што им припаѓа, место за игра, радост и незаборавни моменти, конечно започнуваме со реализација на проект што ќе ја означи новата ера на семејна забава во нашиот град.
Пред нас е изградба на ултра модерен Луна парк, еден од најдобрите во регионот, изграден според највисоки европски стандарди.

Ќе создадеме простор исполнет со ролеркостери, водени атракции, интерактивни игри, зони со виртуелна реалност и целосно ново ниво на урбана забава. Посебно внимание посветуваме на пристапноста.
Луна паркот ќе биде комплетно прилагоден и за лицата со попреченост, со најсовремени системи за безбедност, видео надзор и прва помош“.

Ккако што најавува скопскиот градоначалник на просторот од 84.000 квадратни метри ќе никне место каде семејствата ќе поминуваат квалитетно време заедно, каде ќе има зони за одмор, улична уметност, локации за културни настани и театар со затворена сцена.

„Панорамско тркало, пиратски брод, подморница, среќна лулашка и уште многу други реквизити ќе создадат уникатна атмосфера која ќе го збогати туристичкиот имиџ на Скопје.
Почитувани скопјани, како што ветив – најдоброто доаѓа!
Скопјани конечно добиваат Луна парк што ќе биде симбол на нов почеток, на едно модерно, гордо и достоинствено Скопје“.

Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во земјата и кампањата на Венко Филипче за мигранти каде што потенцира дека мигрантски кампови нема да има, а дополнително и советниците на ВМРО-ДПМНЕ ќе поднесат иницијативи до советите во општините, да гласаат документ дека мигрантски кампови на териториите на општините нема да има.

„Не можам да се изначудам се уште кој ги насанка на оваа тема, бидејќи оваа тема тотално не оди во нивна полза, бидејќи самите тие се тие кои што на владина седница гласале за да се градат такви приватни мигрантски кампови и за што имало протести во минатото, вклучително и ние. Јас тоа го кажав во една моја изјава, дека во темелните вредности на ВМРО-ДПМНЕ, е антиемигрантската политика, за што бевме обвинувани дека сме ксенофобична партија. Сега, сосема спротивни обвинувања од страна на СДСМ, а вистината е јасна. Апсолутно таква работа ниту ќе се случи ниту има некој план, или размислувал дека такво нешто се случило. Впрочем такви беа изјавите од единствениот официјален извор, од Британската амбасада во земјава“ кажа Мицкоски.

Мицкоски истакна дека советниците на ВМРО-ДПМНЕ во текот на следната недела ќе достават до советите да се гласа таков документ дека мигрантски кампови на териториите на тие општини нема да има.

„Инаку, советниците на ВМРО-ДПМНЕ во текот на следната недела ќе достават до советите да се гласа еден таков документ, со којшто ќе се јасно стави до знаење дека таа е политиката, односно антиемигрантската политика, политика која што се бори против нелегалната миграција и генерално таков тип на процеси. Нема на територијата на тие општини да се создадат такви мигрантски кампови и ќе побара од надлежните институции согласно Кривичиниот законик, да поведат процеси против сите оние кои што сеат страв паника. И покрај јавно изнесените деманти од страна на Владата, тие се кривично одговорни за тоа што го прават, бидејќи јас разбирам да вие имате во вашата партија проблеми, не можете да мобилизирате извршен одбор, никој не ви се нафаќа да формирате структура, општински организации како и да ги викаат и тоа е во ред“ истакна Мицкоски.

Мицкоски истакна дека и покрај сите деманти од Владата и министерствата, СДС и понатаму свесно шири страв и паника кај населението а за тоа во Кривичниот законик се предвидени одредени санкции.

„И разбирам еве таа тема да ја покренете еднаш два пати, но кога веќе официјално стигнува демант од претседателот на Владата, од соодветните министерства внатрешни и надворешни, мислам дека од тој момент па натаму вие го поминувате рубиконот и вие свесно и покрај демантите ширите паника и страв и за тоа во Кривичниот законик се предвидени одредени санкции“ нагласи Мицкоски.

Мицкоски ги повика соодветните органи да поведат процеси против тие лица.

„Јас ги повикувам соодветните органи да излезат од тие октруирани стеги на претходната влада на СДСМ и ДУИ и против овие лица да покренат, би рекол, процес. Затоа што, многумина од граѓаните се загрижени со право, ми се јавуваат и ме прашуваат и покрај тоа што веќе една недела цело време зборуваме со деманти и кажуваме дека такво нешто неа да се случи. Еве ќе поминат месец, два, три, ќе дојде пролет“ рече Мицкоски.

Мицкоски потенцира дека мигранти нема да има и нагласи дека трајно ќе ја напушти политиката доколку некој од СДС пронајде барем еден мигрант.

„Мигранти нема никој да види. Впрочем јас реков еве трајно ја напуштам политиката, ако раководството на СДСМ, тоа бар што остана таму од СДСМ пронајде и еден мигрант, којшто е дел од договорот со Обединетото Кралство или било кој друг договор, јас реков дека заминувам трајно од политиката. Еве нема подобар начин, бидејќи се уплашени континуирано од мене, сега мене ми ги бројат овие последни четири години како претседател на ВМРО-ДПМНЕ и сега тие од СДСМ, практично во овој случај, имаат начин еве како да се спасат од мене и порано. Еве нека најдат еден таков мигрант, којшто е резултат на договорот со Обединетото Кралство или со некој друг договор, па да видиме. Ако не јас реков еве не барам да заминат од политиката, тие нека си одлучат, не им се мешам тоа е нивна внатрешна работа. Велам, да се извинат. Ќе дојде и февруари и март, нели го кажаа, нема да има избори, нема да има мигранти и свесно некој ширел паника меѓу граѓаните. Јас разбирам слобода на говор, ама кога веќе 5 пати некој демантира дека тоа ќе се случи, тогаш треба да се застане со таа работа“ истакна Мицкоски.