Вработена во Клиничката болница – Штип била пријавена за физички напад, кој се случил во Здравствениот дом во Штип.

„На 27.11.2020, во 12.35 часот, во СВР Штип, А. Г. од Клиничката болница Штип пријавил дека околу 12.30 часот во службената просторија во Здравствениот дом во Штип бил физички нападнат од страна на С. П., вработена во Клиничката болница – Штип“, се вели во соопштението на МВР.

По комплетирање на случајот, против С. П. до надлежното Обвинителство ќе биде поднесена соодветна кривична пријава.

Осуденик во Казнено-поправниот дом „Штип“ бил фатен со кокаин.

Како што информираат од полицијата, станува збор за 40-годишно лице од Свети Николе, кое неовластено набавило кокаин заради понатамошна продажба.

Кокаинот бил пронајден при извршен преглед кај пријавениот од страна на затворските надзорници.

Единицата за економски и компјутерски криминал поднесе кривична пријава против Х.Д(39) од Скопје поради давање лажен исказ.

Тој поднел барање за издавање дупликат возачка дозвола, лажејќи дека возачката дозвола му е изгубена, иако бил свесен дека за време на неговиот престој во Германија, неговата возачка дозвола издадена во Македонија, по негово лично барање, била заменета за германска возачка дозвола.

Врз основа на таквото барање, од страна на МВР – Сектор за управно-надзорни работи му била издадена нова дупликат возачка дозвола на име на пријавениот Х.Д., со што постои основано сомнение дека пријавениот го сторил кривичното дело давање лажен исказ, предвидено и казниво по чл.367 ст. 3 од Кривичниот законик.