Полициски службеници од СВР Штип го лишиле од слобода М.В.(56) од Штип затоа што вчера во 10.50 часот на ул.„Кирил и Методиј“ во Штип со возило се обидел да повреди полициски службеник при вршење службено дејство.Тој бил приведен во полициска станица и по целосно документирање на случајот против него ќе биде поднесена соодветна пријава, соопшти полицијата.

Вчера во 17.20 часот во СВР Скопје било пријавено дека во аптека на бул.„АСНОМ“ две лица со закана одзеле пари од вработената. Се преземаат мерки за расчистување на случајот, соопшти полицијата.

Вчера во 09.15 часот на ул. „Ќемал Сејфула“ во Скопје се случила сообраќајна незгода помеѓу товарно возило „ивеко“ управувано од Д.Љ.(27) од Струга и патничко возило „рекстон“, сопственост на МВР, управувано од А.А.(28) од Скопје. Во незгодата, А.А. и сопатникот од возилото „рекстон“ се здобиле со повреди, констатирани во Градската општа болница „Св.Наум Охридски“. Увид на местото извршила екипа од СВР Скопје.