Црна хроника
Вработен во државен здравствен инспекторат од Охрид ја злоупотребил службената положба

Против вработен во државен санитарен и здравствен инспекторат од Охрид е поднесена кривична пријава бидејќи тој ја злоупотребил службената положба, соопшти полицијата.
СВР Охрид има поднесено кривична пријава против Н.Ш. (63) од Охрид поради постоење основи на сомнение за сторено кривично дело злоупотреба на службена положба и овластување.
Тој, злоупотребувајќи ја својата службена положба како вработен во Државниот санитарен и здравствен инспекторат, во периодот од 2016 до 2019 година на 47 правни субјекти неовластено им издал записници за уништување на прехранбени производи, со што им овозможил да поднесуваат барања за поврат на ДДВ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
90 санкции за брзо возење на територија на СВР Битола

Денеска (17.08.2022) во периодот од 14.00 до 20.00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санционирани се 90 возачи.
Од нив, 69 возачи ја пречекориле брзината во населено место, а 21 надвор од населено место. 31 возачи се санкционирани на територија на Ресен, 24 на територија на Демир Хисар, 16 во Прилеп…
На сите прекршители изготвени им се соодветни поднесоци.
Засилените акциски сообраќајни контроли продолжуваат и во наредните денови.
Црна хроника
Жител на Кондово погоден од залутано зрно

На 16.08.2022 во 22.00 часот во СВР Скопје од Градската општа болница „8 Септември“ било пријавено дека кај нив со повреда бил донесен А.Р. (28) од с. Кондово.
Според пријавеното тој со повредата се здобил од залутано зрно во неговиот двор во с. Кондово.
Полициски службеници излегле на местото и се преземаат мерки за расчистување на случајот.
Црна хроника
Во Битола запленети се 250 килограми дрога вредна околу 800.000 евра

Вчера во Битола лишени се од слобода пет лица, а запленета е дрога во вкупна тежина од околу 250 килограми со проценета вредност од околу 800.000 евра, информираат од МВР.
По добиени информации дека во правен субјект за производство на канабис во медицински цели во Битола се врши производство на марихуана, и покрај донесената одлука и решение од страна на Владата на РСМ на 25.05.2021 за одземање на дозвола за одгледување на канабис за медицински цели, обезбедена е Наредба за претрес од Основен суд Битола.
При извршениот претрес на правниот субјект, во една од просториите затекнати се две женски лица во момент на обработка и пакување на сув цвет од канабис, додека во други простории на фабриката е пронајдена голема количина на сув цвет од канабис.
Во координација со Јавен обвинител од Основното јавно обвинителство Битола, по комплетирање на целокупната документација против сите инволвирани лица во нелегално производство на марихуана ќе биде поднесена кривична пријава.