Двајца малолетници се повредени во скопското село Марино, при сообраќајна несреќа меѓу ,,шкода” и моторот на кој се возеле.

Како што информира МВР, околу полноќ на улицата „532“ во село Марино се случила сообраќајна незгода помеѓу возило „шкода фабиа“ со скопски регистарски ознаки, управувано од Т.Г.(49) од Скопје и мотоцикл „линбен“ управуван од малолетник, а на кој се превезувал друг малолетник.

Во незгодата со тешки телесни повреди се здобиле двајцата малолетници кои биле пренесени во Комплексот клиники „Мајка Тереза“ за укажување на лекарска помош. Увид на местото на настанот извршила увидна екипа од СВР Скопје.

Велосипедист е повреден на паркинг во Тетово. Како што информира МВР, синоќа во 20.10 часот на паркинг на булевар „Видое Смилевски Бато“, возило „фиат пунто“ со тетовски регистарски ознаки, управувано од Т.Г.(38) од Тетово удрил во велосипедистот А. И. (45) од Тетово.

Во незгодата со тешки телесни повреди се здобил А.И. по што бил пренесен во Клиничката болница во Тетово. Увид на местото на настанот извршила увидна екипа од СВР Тетово.

Вчера околу 12.30 часот на магистралниот пат Радовиш – Струмица, кај клучката за с.Воиславци, полициски службеници пронашле паркирано товарно моторно возило „мерцедес“ со скопски регистарски ознаки.

При преглед во возилото биле пронајдени 30 лица – мигранти (24 од Пакистан, три од Ирак, две од Сирија и едно од Судан). Се преземаат мерки за расчистување на случајот.