Основното јавно обвинителство Скопје до Основниот кривичен суд достави 39 предлози за издавање казнени налози со кои се опфатени вкупно 45 лица, обвинети за кривичното дело – Непостапување според здравствените прописи за време на епидемија.

Еден од обвинетите не ја почитувал Наредбата за задолжителна самоизолација во траење од 14 дена, како мерка за спречување и ширење на заразната болест ковид-19.

Сите останати 44 лица го прекршиле полицискиот час и биле затекнати на различни локации во Скопје без да поседуваат дозвола за движење.

За сите обвинети лица, јавните обвинители му предложија на судот да изрече парични казни од по 100 дневни глоби, при што висината на една дневна глоба да биде определена на 20 евра во денарска противвредност.

На регионалниот пат Маврови Анови – Дебар, во попладневните часови на 1 април, полициски службеник, управувајќи полициско возило „лендровер“, сопственост на МВР, изгубил контрола и излетал од патот.

По незгодата двајца полицајци се пренесени во гостиварската болница, каде на едниот му се констатирани тешки повреди, а другиот е полесно повреден.

Увид на местото на незгодата извршила увидна екипа на Полициската станица Гостивар.

Вработен во затворот „К’шање” во Куманово во вечерните часови на 1 април пријавил дека дошло до физичка пресметка помеѓу двајца затвореници.

Во тепачката учествувале 30-годишен затвореник од село Ропаљце, Липково и 25-годишен кумановец.

Во пресметката настрадал 30-годишникот кој бил пренесен во Општата болница во Куманово, каде му биле констатирани тешки повреди.

За настанот е известен Јавен обвинител, а увид во затворот извршила увидна екипа од СВР Куманово.

Се преземаат мерки за расчистување на случајот.