Црна хроника
Кривична за тетовец кој при сообраќајна расправија посегнал по пиштол
Тетовската полиција поднесе кривична пријава против 61-годишник од тетовското село Џепчиште за сторени кривични дела загрозување со опасно орудие при тепачка или караница и недозволено изработување, држење и тргување со оружје или распрскувачки материи.
Како што информираат од МВР, на 28 мај годинава на регионалниот пат Тетово-Јажинце меѓу пријавениот и 30-годишник од село Непроштено настанала расправија во врска со недавање предност во сообраќајот по што пријавениот со возилото му го попречил патот и со пиштол упатил закани за неговиот живот.
На 29 мај годинава полицијата извршила претрес во домот и помошните простории на пријавениот, при што пронајдени и одземени биле 94 парчиња муниција во калибар 7,9 милиметри, 8 парчиња муниција во калибар 9 милиметри, 4 парчиња муниција од гасен пиштол и куршум од 6 милиметри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.