Вработен во штипска продавница, во попладневните часови на 28 номеври, во полиција пријавил дека едно лице платило со фалсификувана банкнота од 20 евра.

Според пријавеното, тој ја примил банкнотата, а откако лицето излегло забележал дека е фалсификувана.

Полицијата презема мерки за расчистување на случајот.

Во раните утрински часови на 28 ноември во полициската станица во Кичево било пријавено дека во семејна куќа, 40-годишниот Ф.И. се обидел да изврши обљуба на неговата снаа.

Истиот ден тој бил уапсен и задржан во полициска станица.

По целосно документирање на случајот против него ќе биде поднесена соодветна пријава.

Вчера во 18.20 часот, при преземање службени дејствија во близина на државната граница со Република Албанија, полициски службеници од Полициската станица за граничен премин и граничен надзор Блато забележале три лица, кои откако ги забележале полициските службеници се дале во бегство на територија на Албанија.  По извршениот преглед на теренот биле пронајдени осум вреќи со необработено кафе со вкупна тежина од 480 килограми. Известен е јавен обвинител и се преземаат мерки за расчистување на случајот, соопшти полицијата.