Црна хроника
Кривична пријава за 12 лица за издавање чек без покритие и злоупотреба на платежна картичка
Секторот за компјутерски криминал при МВР до Основното јавно обвинителство Скопје поднесе кривична пријава против 12 лица, од кои 10 лица државјани на Република Северна Македонија и две лица државјани на Р .Косово за сторено кривично дело издавање чек без покритие и злоупотреба на платежна картичка, предвидено и казниво по член 274 ст. 2 од КЗ и кривично дело соизвршителство, предвидено и казниво по член 22 од КЗ, а во врска со член 274 ст. 2 издавање чек без покритие и злоупотреба на платежна картичка.
Имено, пријавените во текот на јануари 2023 година извршиле злоупотреба на платежни картички (purchase refund fraud) издадени од банка во РС Македонија на начин што користеле активни странски компании (со физички или виртуелен терминал) преку кој се иницирале неовластени авторизации за враќање средства (refund), а кои трансакции кај банката не се испраќале како трансакција за книжење, па според тоа немало влијание на реални трансакции на продажното место, но, на друга страна, нереално се зголемувала состојбата на сметката на платежната картичка што се користи за трансакцијата за износот на направената рефундација.
На тој начин пријавените како корисници на платежни картички ги користеле овие средства за сопствени потреби и неовластено стекнале противправна имотна корист во вкупен износ од 10.719.807 денари и за овој износ ја оштетиле банката издавач на платежните картички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Taтко од Злокуќани насекаде ја барал 14-годишната ќерка која исчезнала, потоа се јавила и им рекла дека е во Косово
Четиринаесетгодишно девојче од Злокуќани било пријавено за исчезнато доцна по полноќ.
Случајот со исчезнувањето во полицијата го пријавил таткото на малолетничката кој трагал по неа.
Сепак, девојчето подоцна се јавило кај неговата тетка и ја известило дека по своја волја заминало кај Б.Б. во Косово.
Се преземаат мерки за пронаоѓање на лицето, велат од МВР во дневниот билтен.
Црна хроника
Повреден возач во РЕК Битола: со камион удрил во мост на транспортна лента
Вчера околу 02 часот во РЕК Битола- рудник Брод-Гнеотино, Е.С.(37) од с. Будаково, општина Могила, додека извршувал работни активности како возач на камион за транспорт на јаглен, удрил во мост на транспортна лента, при што се здобил со повреди.
За настанот е известен трудов инспектор, а увид извршила увидната екипа на СВР Битола, објави МВР.
Топ
Застрелан маж во Арачиново – му рекле да излезе пред куќата, па му пукале во нога
Арачиновец бил повикан да излезе пред неговата куќа, а потоа бил застрелан. Четириесет и двегодишниот маж синоќа бил донесен на Комплексот клиники со повреди од оружје во предлот на десната нога.
Од МВР за случајот велат дека излегле на местото на настанот пришто нашле две чаури од огнено оружје.
Засега нема информации дали е фатено лицето коешто пукало, како и за можните мотиви за пукањето.
Се преземаат мерки за расчистување на случајот.