Денеска во 01.45 часот, на улицата „Гоце Делчев“ во Охрид, полициски службеници од СВР Охрид ја лишија од слобода 44-годишната М.М. од Охрид, која претходно управувајќи мопед на истата улица, паднала и се здобила со телесни повреди.

Таа се однесувала агресивно кон полициските службеници кои пристигнале на местото на настанот, а било утврдено и дека има 2,23 промили алкохол во крвта.

По целосно документирање на настанот, против неа ќе биде поднесена соодветна пријава.

Вчера во 19.41 часот, во СВР Охрид е пријавено дека, во близина на хотелски комплекс на охридското крајбрежје, има починато лице.

Од преземените мерки, констатирано е дека се работи за М.Џ.(56) од Пожаревац, Република Србија, а лекар од Итната медицинска помош констатирал смрт без траги на насилство.

Вчера во 13.55 часот на улицата „Железничка“ во Штип, полициски службеници од СВР Штип го лишиле од слобода 21-годишниот И.Г. од Штип.

При контрола на патниот сообраќај, полициски службеници констатирале дека И.Г. управувал патничко возило „пасат“ со штипски регистарски ознаки со брзина од 102 километри на час, на место каде со сообраќаен знак брзината на движење е ограничена на 50 километри на час.

Лицето е приведено во полициска станица и по целосно документирање на случајот против него ќе биде поднесена пријава по член 297 – а од Кривичниот законик – „безобѕирно управување со моторно возило”.