Црна хроника
МВР со детали за несреќата во која загина редар на трката во Пробиштип
![](https://makfax.com.mk/wp-content/uploads/2020/08/117857491_1234703613543297_893516333585056740_o.jpg)
Кире Андреевски-Кирца, автомобилистички судија и директор на трката во Пробиштип, вчера го загуби животот по инцидентот на кој автомобил „хонда“ во финишот излета од патеката и удри во членот на Автомобилистичката федерација на Македонија.
Полицијата информираше дека вчера околу 13:20 часот на автотрката што се одржуваше на регионалниот пат Пробиштип – Кратово, кај место викано Жгури, патничко возило „хонда сивик“, без регистарски ознаки, управувано од A.K.(43) од Скопје – учесник на трката, удрило во Андреевски (62) од Скопје, кој бил техничко лице на трката. Тој се здобил со повреди и бил пренесен во Општа болница Пробиштип.
Поради серизоноста на повредите од таму бил препратен во Медицински центар Штип, но по патот починал. Увид извршиле екипа од СВР Штип и Јавен обвинител, по чија наредба телото на починатиот било дадено на обдукција.
Од Тркачкиот клуб „Кастм кар рејсинг тим“, одговорност за трагедија побараа од Автомобилистичката федерација.
„На крајно небезбедна патека без банкини, која не знаеме како можеле да ја лиценцираат и направат безбедносен план во Пробиштип, каде што овој викенд организираа ридско-брзинска трка, згасна човечки живот кој беше удрен од тркачки автомобил на целта, при тоа беше и дел од организацијата. Одговорност за овој настан треба да сноси целото раководство на АФМ, а тоа се Ранко Станојковски, Павле Доневски и неговиот клуб и Кристина Станојковска“, напишаа на официјалниот профил на Фејсбук од тркачкиот клуб.
Поради трагичниот инцидент на патеката, беше прекината ридско-брзинската трка, која беше прва од официјалниот календар на шампионатот на Македонија во автомобилизам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Со возило на авто-школа удрен, па натепан малолетник
![](https://makfax.com.mk/wp-content/uploads/2024/09/policija-park-logo.jpg)
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.
Црна хроника
Мотоциклист излета од патот и тешко се повреди
![](https://makfax.com.mk/wp-content/uploads/2022/06/motociklist.jpg)
Вчера во 13:30 часот во полициската станица Пробиштип било пријавено дека околу 13 часот во близина на фабрика во Пробиштип, Г.Ѓ.(57) од село Другово, кичевско, управувајќи мотоцикл изгубил контрола и излетал надвор од коловозот.
Во несреќата со тешки телесни повреди се здобил мотоциклистот, констатирани во Медицинскиот центар Штип.
Извршен бил увид од увидна екипа од ОВР Пробиштип.
Црна хроника
Рачна бомба најдена во туристичката населба Отешево
![](https://makfax.com.mk/wp-content/uploads/2022/12/rachna-bomba.jpg)
Вчера во 9 часот во полициската станица Ресен, Б.Ѓ. од Ресен пријавил дека на крабрежјето во туристичката населба Отешево, ресенско, пронашол една рачна бомба-кашикара, три артилерски чаури 60 мм и две исправни запалки мм, кои потекнувале од Првата светска војна.
Од страна на пиротехничар од Дирекцијата за заштита и спасување истите се подигнати за понатамошна постапка.