Доналд Трамп рече дека сака да си го додели Конгресниот Медал на честа. 79-годишниот Трамп зборуваше на митинг во Ромео, Џорџија, вчера за неговата ненадејна посета на американските сили во воздухопловната база Ал Асад во ирачката покраина Анбар во декември 2018 година, 15 години по американската инвазија на таа земја.

„Решив да одам во Ирак. Бев неверојатно храбар. Толку храбар што сакав да си го дадам Конгресниот медал на честа“, им рече Трамп на насобраните, според снимка објавена од ABC News 4. „Ги прашав моите луѓе: „Може ли да си го дадам Конгресниот медал на честа?“

"So I decided to go to Iraq. I flew to Iraq. I was extremely brave. In fact, so brave I wanted to give myself the Congressional Medal of Honor. I said to my people, am I allowed to give myself the Congressional Medal of Honor?"

He’s getting stupider and crazier by the hour. pic.twitter.com/jrwIyNTbO4

— Daractenus (@Daractenus) February 19, 2026

Сепак, тој призна дека наградата им се доделува на „толку многу момци кои се навистина храбри“.

„Мислам, овие момци се враќаат без раце, без нозе. Нивните приказни се неверојатни. Реков дека би било малку претерување да си ја дадам себеси“, рече тој, додавајќи: „Тоа е едно од тие нешта, еден ден ќе го пробам. Ќе го тестирам законот“.

„Можеби ќе победам на суд, откако сите ќе ме тужат, откако некој луд човек од радикалната левица ќе ме тужи“, продолжи тој, додавајќи: „Знаете, само се забавувам“.

Конгресниот златен медал е востановен од претседателот Џон Ф. Кенеди во 1963 година. Тоа е највисокото воено одликување во Соединетите Држави, заедно со Претседателскиот медал на слободата.

Наградата е исклучително ретка, само 3.528 од 40-те милиони Американци кои служеле во војската ја добиле. Историски гледано, најчесто се доделувала постхумно, а повеќето лауреати се бореле во Граѓанската војна. Денес, има само 61 жив лауреат.

Покрај тоа што се пошегува за доделувањето на наградата, Трамп неодамна се пофали дека ја заслужува Нобеловата награда за мир за 2025 година за решавање на „седум незапирливи војни“.

Добитничката на Нобеловата награда за мир за 2025 година, лидерката на венецуелската опозиција Марија Корина Мачадо, ја прими наградата во октомври. Таа му го врачи својот медал на Трамп во јануари. Сепак, неколку дена подоцна, норвешкиот Нобелов комитет индиректно се осврна на одлуката на Мачадо.

„Без оглед на тоа што ќе се случи со медалот, дипломата или паричната награда, оригиналниот лауреат останува во историјата како добитник на наградата“, се вели во соопштението. „Дури и ако медалот или дипломата подоцна дојдат во посед на некој друг, тоа не го менува оној кој ја освоил Нобеловата награда за мир“.

фото/Depositphotos

Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во услови на, како што рече, „град на раб на финансиски колапс – празна каса, блокирани сметки, јавни претпријатија со неисплатени плати, систем без дисциплина и долг од речиси 300 милиони евра“.

„Тотален колапс! Институции што одамна престанале да работат во служба на граѓаните“, наведува градоначалникот, додавајќи дека добил доверба од граѓаните и дека „таа доверба нема да биде изневерена“.

Според него, за три месеци се намалени обврските за повеќе од 40 милиони евра преку кратење на непродуктивни трошоци и воведување финансиска дисциплина, а стабилизирана е и исплатата на платите во јавните претпријатија.

Ѓоргиевски информира дека биле отстранети над 600 фиктивно вработени кои со години земале плата без да доаѓаат на работа, како и дека е спроведена акција за чистење во која, како што наведува, учествувале над 2.500 луѓе, стотина возила и биле отстранети повеќе од 4.500 тони отпад за 72 часа.

„Скопје повторно почна да дише“, наведува тој.

Градоначалникот посочува дека се деблокирани клучни инфраструктурни проекти, меѓу кои клучката кај „Момин Поток“, булеварот „Македонија“ со подземната сообраќајница, улиците „Љубљанска“ и „Перо Наков“, како и реконструкцијата на „Фрањо Клуз“.

Почнува изградба на нови кружни текови, булевари и монтажни катни гаражи, како и доизградба на булеварот „Борис Трајковски“.

Во делот на јавниот превоз, наведува дека со поддршка од Владата се работи на модернизација со нови еколошки автобуси и проекти за современ транспорт.

Ѓоргиевски информира и за уредување нови зелени површини, расчистување на Вардариште, изградба на Луна парк, како и за набавка на нов мебел, компјутери, интерактивни табли и прочистувачи на воздух за средните училишта. Посочува дека Скопје останува Европска престолнина на културата 2028.

Во обраќањето тој наведува дека буџетот за 2026 година е повисок и развоен, со рекордни капитални инвестиции во образование, култура, инфраструктура и животна средина.

„Наследивме долгови, но градиме стабилна иднина. Наследивме хаос, но воспоставуваме систем и ред. Наследивме разочараност, но ја враќаме надежта и достоинството“, наведува градоначалникот.

Ѓоргиевски упати благодарност до Советот на Град Скопје, до својот тим и до премиерот Христијан Мицкоски, наведувајќи дека „со дела, како никој во минатото покажа што значи вистинска грижа за граѓаните и вистинска поддршка за Скопје“.

Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение за гонење на кривични дела сторени од лица со полициски овластувања и припадници на затворската полиција при Обвинителството за гонење на организиран и корупција. Во предметот беа опфатени повеќе царински службеници од Царинските испостави Ново Село и Дојран. Со пресудата, дванаесет обвинети лица се огласени за виновни за сторени кривични дела Примање поткуп и Злоупотреба на службената положба и овластување.

Четворица обвинети се осудени на ефективни казни затвор во траење од една година и шест месеци до три години, додека на останатите осум лица им се изречени условни осуди.

Четворица обвинети на почетокот на главната расправа го признаа делото и тогаш судот ги осуди на ефективни казни затвор во траење од 2 години до 2 години и 8 месеци.

Воедно, на 14 лица во предметот осудени за кривичното дело Примање поткуп судот им изрече и казна забрана за вршење на должност на службено лице, во времетраење од две до осум години, индивидуално определена за секој од нив.

Предлогот на обвинителството за одземање и конфискување на имотната корист прибавена со кривично дело беше делумно прифатен од страна на судот и паричните средства се вратени на еден од обвинетите.

Останатите привремено одземени парични средства пронајдени при извршените претреси се одземени и тоа 18.230 евра, 263.210,00 денари, 4860 швајцарски франци, 443 американски долари, 20 британски фунти, 200 украински гривни, 102 бугарски лева и 100 турски лири, како и 36 штеки цигари.

Обвинителството незадоволно од висината на казните и од висината на одземените парични средства најавува дека ќе го искористи правото на изјавување на правен лек по писмено добивање на пресудата.

Истражната постапка за овој случај беше отворена во октомври 2024 година кога беше спроведена полициска акција под кодно име „Премин“ поради основано сомнение дека обвинетите распоредени во Царинските испостави Ново Село и Дојран, во временскиот период од 21.03.2023 година до 15.10.2024 година, со умисла извршиле повеќе временски поврзани дејствија што претставуваат повеќекратно остварување на исто дело.

Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејствие што морале да го извршат.