Црна хроника
Неготинец со автомобилот удрил во пешак, па двајцата се степале

Сообраќајна несреќа преминала во физичко насилство вчера на улицата Маршал Тито во Неготино.
Имено, како што информираат од МВР, патничко возило „мерцедес“, со неготински регистарски ознаки, управувано од Б.Ш.(38) од Неготино, удрило во пешакот В.А.(44) од истиот град. Веднаш потоа настанала и физичка пресметка помеѓу нив.
Во несреќата пешакот се здобил со тешки телесни повреди.
По целосно документирање на случајот ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тетовец физички ја нападнал сопругата

Синоќа во селото Порој, тетовско, полициски службеници го привеле В.К.(35) од Тетово, постапувајќи по пријава според која околу 19.00 часот во селото Порој, по претходно недоразбирање, физички ја нападнал неговата сопруга.
По целосно документирање на случајот ќе биде поднесен соодветен поднесок, соопшти МВР.
Црна хроника
19-годишна кичевчанка пријавила таксист, почнал да ја допира

Синоќа во 04.33 часот во Полициска станица Аеродром, 19-годишна кичевчанка пријавила дека околу 04.20 часот додека со такси возило се враќала кон нејзиниот дом на подрачјето на скопски Аеродром, такси возачот започнал да се однесува недолично и да ја допира по телото.
Се преземаат мерки за расчистување на случајот, велат од МВР во дневниот билтен.
Топ
Возачот кој прегази пензионер на пешачки во Бутел имал 17-години и возел брзо, обвинителството побара притвор

Обвинителството објави нови детали за синоќешната сообраќајна несреќа во скопската населба Бутел, каде што животот го загуби пешак.
Од тука информираат дека автомобилот го управувал 17-годишник кој не поседувал возачка дозвола, а возилото било во сопственост на неговиот татко.
„Без да има важечка возачка дозвола, детето на возраст од 17 години, на 27 јануари во вечерните часови, управувало автомобил „Фолксваген голф“, сопственост на неговиот татко. Притоа, не се придржувал кон прописите и со тоа го загрозил јавниот сообраќај, доведувајќи го во опасност животот на луѓето. Возејќи по улицата „Босна и Херцеговина“, стигнал до крстосница со улиците „Александар Урдаревски“ и „Кемал Сејфула“, но не ја приспособил брзината на движење кон својствата и состојбата на патот. Како резултат на тоа, со предниот лев дел од автомобилот удрил во пешак кој го поминувал коловозот на обележан пешачки премин. Од ударот пешакот се здобил со тешки телесни повреди и починал на лице место“, соопшти Обвинителството.
Јавниот обвинител до судијата за деца достави и предлог за определување мерка притвор спрема детето во судир со законот, бидејќи оцени дека постои опасност да се даде во бегство, да ја попречува постапката со влијание врз сведоците или да го повтори делото.
Претходно, МВР информирајќи за настанот соопшти дека автомобилот го управувал 18-годишник.