Четириесет и петгодишна жена загина во сообраќајна несреќа што се случила утринава на патот Скопје – Тетово.

Според информациите на МВР, околу 10.50 часот било пријавено дека во близина на добарскиот натпатник, кај месноста Еребино, патничко возило „тојота рав“, со американски национални ознаки, управувано од Ф. Л. (45) од тетовско Доброште, излетало од коловозот.

Во несреќата Ф. Л. добила тешки телесни повреди, од кои починала на местото на несреќата.

36-годишен скопјанeц се сомничи за кражба на пари од возило во Скопје, информира полицијата.

Вчeра во 19.30 часот на ул.„Среќко Пужалка“ во Скопје, полициски службеници од ЕВР Гази Баба го лишиле од слобода М.И.(36) од Скопје, поради постоење основи на сомнение дека околу 16.00 часот на ул„Методија Андонов Ченто“ одзел пари од возило „ауди“, сопственост на В.З.(45) од Скопје.

Одземените пари биле пронајдени кај него и ќе бидат вратени на сопственикот.

М.И. бил приведен во полициска станица и по целосно документирање на случајот против него ќе биде поднесена соодветна пријава.

Вчера околу 15:00 часот во Полициската станица Валандово било пријавено дека на крстосница од улиците Првомајска и Лазар Колишевски во Валандово се случила сообраќајна несреќа помеѓу патничко возило „ауди“, со велешки регистарски ознаки, управувано од А.А.(20) од Валандово и мотоцикл без регистарски ознаки, управуван од Џ.К.(19) од с.Дедели, Валандовско.

Во несреќата со тешки телесни повреди се здобил возачот на мотоциклот, констатирани во Медицинскиот центар Гевгелија, а увид извршила екипа на Полициската станица Валандово.