Поради невообичаено рано затоплување на стратосферата, на прагот е да почне значително нарушување на поларниот вртлог. Прогнозите покажуваат дека поларната циркулација ќе „се сруши“ во втората половина од месецот, носејќи студено време и снег низ Соединетите Американски Држави и Канада, додека последиците за Европа засега се помалку јасни.

Поларниот вртлог е еден вид „чувар на студот“, кој го држи во поларните региони додека е силен. Меѓутоа, кога е нарушен или „срушен“, студениот воздух може да „излезе“, создавајќи вистинско зимско време во областите со средна географска ширина.

Како што пишува „Severe Weather“, поларниот вртлог би можел да создаде „декември за паметење“, а не е невозможно да има многу снег на католичкиот и на православниот Божиќ.

Eyes are on the potential for a stratospheric warming event over the coming weeks.

This winter weather wildcard will probably link to the troposphere and contribute to surges of below-average temperatures in the United States during December, with unusual warmth in the Arctic. pic.twitter.com/v9yTE8e6tS

— Ben Noll (@BenNollWeather) November 10, 2025

Најновата анализа покажува дека поларниот вртлог моментално има нормална големина, убава кружна форма и работи околу својата долгорочна просечна јачина. Иако поларниот вртлог изгледа стабилен на ова ниво на стратосферата, воочливи се првите знаци на проблеми. Се формира област со висок притисок, а слаб бран на топлина е веќе видлив во надворешните слоеви.

Најновите прогнози покажуваат дека врвот на нарушувањето ќе се случи на крајот на овој месец, околу 26 ноември.

Ненадејно затоплување на стратосферата се случува во средината до крајот на зимата. Сепак, оваа година, прогнозите покажуваат невообичаено рано затоплување на стратосферата, токму на време за да влијае на почетокот на метеоролошката зима, пишува „Severe Weather“.

BREAKING:

Long-range models are signaling the potential for an exceptionally cold and snowy December across the Eastern U.S. ❄️

A major stratospheric polar vortex collapse appears increasingly likely – a pattern shift that could supercharge the chances of a classic White… pic.twitter.com/5YNlb1NVqg

— Connor's Climate Corner (@ClimateCornerHQ) November 7, 2025

Поларниот вртлог носи уште еден проблем, особено за жителите на САД, Европа и Кина – сметките за електрична енергија и гас би можеле нагло да се зголемат во текот на зимата, бидејќи се очекува оваа сезона да биде постудена од претходните години, а потрошувачите и бизнисите се веќе преоптоварени, пишува „Блумберг“. Се додава дека побарувачката за електрична енергија во Америка веќе брзо расте.

Во Европа, додека метеоролозите и главните временски модели предвидуваат блага зима, постојат сè повеќе докази дека релативно благите услови би можеле да бидат нарушени од чести студени периоди, особено во северните и централните региони.

Германија, на пример, влегува во зимската сезона 2025/26 со значително пониски залихи на природен гас отколку минатата година, што предизвикува стравувања за нејзината способност да управува со флуктуациите на побарувачката во наредните месеци, според анализата на „Блумберг“.

Македонија повторно стои исправено, а младите гордо и достоинствено го понесоа товарот да ги исправат неправдите кои со години ѝ беа нанесувани на нашата држава, кажа денеска на прес-конференција Сергеј Попов, пратеник и претседател на УМС на ВМРО-ДПМНЕ.

„По завршувањето на локалните избори и конституирањето на општинските совети, исклучително сум горд што Унијата на млади сили уште еднаш се потврди како силен генератор на нови кадри и политики кои носат визија и иднина. Благодарение на отвореноста на ВМРО-ДПМНЕ кон младите, поддршката од сениорските структури и препознавањето на енергијата која ја носи најголемата политичка младина во државата, денес можеме да се пофалиме со над 100 советници низ општините, како и со 3 пратеници во Собранието на Република Македонија – рекорден број досега, директно произлезен од нашите редови“, рече Попов.

Овој успех не е случаен, вели тој. „Тој е резултат на макотрпна работа, упорност и континуирана борба. Тој е доказ за нашата зрелост, кредибилитет и довербата што младите ја градеа во Организацијата со години“.

„Денес, одржавме состанок со нашите новоизбрани советници – состанок на кој се обврзавме заеднички, јавно и одговорно дека ќе работиме чесно, посветено и дисциплинирано во интерес на младите и во интерес на сите граѓани.

За нас како младина, политичките функции не се привилегија – тие се обврска и должност кон државата и кон младите генерации. Како нови советници и пратеници, ја преземаме одговорноста да бидеме постојано достапни, да бидеме на терен, да работиме чесно и посветено за интересите на младите луѓе во Република Македонија.

Наша цел не е само да слушаме и да констатираме факти. Наша должност е активно да создаваме услови младите да станат двигатели на промените: да ги вклучиме во процесите, да ги охрабриме да дискутираат, да предложуваат решенија и да ја почувствуваат локалната самоуправа како свој автентичен простор.

Без разлика дали се работи за комунални прашања, урбанистички планови, спорт, култура, образование, младински иницијативи или екологија – младите ќе ја покажат разликата. Ќе покажеме дека можеме поинаку и подобро и дека можеме да испорачаме резултати што носат иновација, енергија и подобро утре“, истакна Попов.

СВР Штип во соработка со Одделот за криминалистичка полиција при БЈБ поднесе кривична пријава против Д.А (74) од Штип поради постоење основи на сомнение за сторени кривични дела „убиство” по член 123 и “противправно лишување од слобода” по член 140 од Кривичниот законик.

Toj се сомничи дека во домот во кој живее во Штип без нејзина волја ја држел Б.Н.(79) од Штип, а потоа со остар предмет и нанел убодни рани од кои починала, по што телото го закопал во дворот.

Имено, на 24.10.2025 во СВР Штип, Д.О.(84) од Штип пријавила дека од домот се оддалечила нејзината сестра Б.Н. По преземени мерки, а поради сомнение дека противправно ja држел во неговиот дом, на 10.11.2025 со судска наредба бил извршен претрес во неговиот дом и биле пронајдени и одземени повеќе предмети и траги од крв. По претресот, тој бил лишен од слобода и му била изречена мерка притвор во траење од 96 часа и бил спроведен во Казнено-поправната установа Затвор Куманово.

По дополнително преземени мерки и добиено вештачење на одземените траги и предмети, во СВР Штип повторно е извршен разговор со Д.А. во кој тој детално го појаснил начинот на кој го извршил убиството.

Телото е пронајдено и по наредба на јавен обвинител било дадено на обдукција, а Д.А. бил изведен пред судија на претходна постапка, кој му определи мерка притвор во траење од 30 дена, стои во соопштението на МВР.