Црна хроника
Глоби за непочитување на полицискиот час во Скопје
Две лица од Скопје го прекршиле полицискиот час и без дозвола се движеле на разни локации во градот, информираат надлежните.
Поради ваквата ситуација, скопското Јавно обвинителство на Основниот кривичен суд Скопје му предложи за двајцата обвинети да им изрече парични казни од 100 дневни глоби, а поединечната висина на дневната глоба да биде определена на износ од 20 евра во денарска противвредност.
ОЈО поднесе предлози за издавање казнени налози против две лица поради сторено кривично дело – непостапување според здравствените прописи за време на епидемија казниво по Кривичниот законик.
Обвинетите, во два одвоени кривично-правни настани, биле затекнати при непочитување на важечкиот полициски час, определен како мерка за сузбивање на опасната заразна болест. Без да поседуваат дозвола за тоа, тие се движеле на разни локации во градот, при што биле затекнати од овластени службени лица, објаснуваат надлежните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mигрант почина во Комплексот клиники, бил хоспитализиран на нефрологија
Клиниката за нефрологија при Клиничкиот комплекс Мајка Тереза вчера пријавила во скопската полиција дека кај нив бил донесен 41-годишниот Л.Ш., мигрант, кој имал потреба од итна лекарска помош.
Мигрантот бил примен на 20 ноември, a починал следното утро, на 21 ноември, во 06:48 часот.
По наредба на јавен обвинител, телото на починатиот е предадено на обдукција.
Црна хроника
80-годишен скопјанец нападнат во маркет во Центар
Синоќа околу 21:05 часот, 80-годишниот В.П. од Скопје бил физички нападнат во маркет на подрачјето на општина Центар.
Пензионерот случајот го пријавил во скопската полиција.
МВР презема мерки за целосно расчистување на нападот и идентификација на напаѓачот.
Црна хроника
Тетовец се сомничи за измама: зел капар од 1.200 евра, а нарачката никогаш не ја испорачал
Тетовската полиција поднесе кривична пријава против 47-годишник од Тетово, осомничен дека измамил маж од кичевско кој во април годинава преку страницата на социјалната мрежа „Фејсбук“ договорил нарачка.
Жртвата платила капар од 1.200 евра, а рокот за испорака бил еден месец. И покрај тоа, осомничениот не го исполнил договореното и не ја испорачал нарачката, по што случајот бил пријавен во полиција.

