Црна хроника
Шест лица уапсени: најмладиот е малолетник од Велес, останатите од Тетово и Прилеп
Шест лица се уапсени од страна на Министерството за внатрешни рабпти. ПО Двајца од нив се од Тетово и Велес, еден од Прилеп. Причината е што при претрес, кај нив е најдена марихуана.
„На 14.06.2023 околу 22.15 часот на крстосницата на улиците „Иво Лола Рибар“ и „Страшо Пинџур“ во Тетово, полициски службеници од СВР Тетово ги лишиле од слобода С.М.(38) и М.У.(41), двајцата од Тетово, затоа што кај нив била пронајдена и одземена марихуана. Тие биле задржани во Полициската станица Тетово и по целосно документирање на случајот ќе им бидат изготвени соодветни поднесоци“, велат од МВР.
Од полицијата додаваат: „На 14.06.2023 на ул.„Дабнички завој“ во Прилеп, полициски службеници од ОВР Прилеп го лишиле од слобода Н.Р.(32) од Прилеп затоа што кај него била пронајдена и одземена марихуана. На 14.06.2023 во 18.30 часот, полициски службеници од СВР Велес ги лишиле од слобода 20-годишните С.Б. и С.Б. и малолетник, сите од Велес, затоа што кај нив била пронајдена и одземена марихуана“.
Тие биле задржани во полициска станица и по целосно документирање на случајот ќе следи соодветна пријава
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца кичевчани приведени по напад врз полициски службеници
Две лица од Кичево се лишени од слобода откако вербално и физички нападнале полициски службеници при сообраќајна контрола во градот, соопштија од полицијата.
Настанот се случил на 24 јануари 2026 година во 00:15 часот, на крстосницата меѓу улиците „Драге Карбуничанец“ и „Прилепска“ во Кичево, кога полициски службеници сопреле патничко моторно возило бмв, управувано од А.А. (31) од Кичево.
Според пријавата, А.А. (31) и Б.М. (20), исто така од Кичево, најпрвин вербално, а потоа и физички ги нападнале униформираните полициски службеници кои вршеле контрола во патниот сообраќај.
По целосно документирање на настанот, против двете лица ќе биде поднесена соодветна пријава.
Црна хроника
Сообраќајка кај Слатино, двајца возачи тешко повредени
Две лица се здобиле со тешки телесни повреди во сообраќајна несреќа што се случила на регионалниот пат Тетово – село Јажинце, кај село Слатино, соопштија од СВР Тетово.
Несреќата била пријавена на 23 јануари 2026 година во 11:20 часот, а во неа учествувале две патнички возила мерцедес со тетовски регистарски ознаки, управувани од А.И. (33) од село Доброште и А.Х. (36) од село Нераште, и двајцата од тетовско.
Во сообраќајната несреќа со тешки телесни повреди се здобиле двајцата возачи, додека со телесни повреди се здобил и сопатникот Б.А. (26) од село Нераште, тетовско. Повредите им биле констатирани во Клиничката болница во Тетово.
Увид на местото на настанот извршила увидна екипа на СВР Тетово.
Топ
Со фалсисифкување документи го оштетил РЕК Битола за речиси 90.000 евра: кривична против управител на приватна фирма од Новаци
СВР Битола, до Основното јавно обвинителство Битола, поднесе кривична пријава против 46-годишниот М.Т. од Битола поради постоење основи на сомнение за сторени кривични дела „злоупотреба на службена положба и овластување”, „фалсификување исправa” и „употреба на исправа со невистинита содржина”.
Пријавениот, управител во приватна фирма од Новаци, во април и мај 2024 година, со пречекорување на границите на своите службени овластувања, а со намера да прибави противправна имотна корист, нанел штета од 5.453.7000 денари или 88.678 евра на РЕК Битола.
Имено, тој извршил промена на две барања од РЕК Битола (рудник Суводол) до фирмата за набавка на ролни за јаглен за репарирање на лента за јаглен, на тој начин што извршил промена на количината, односно ги преправил првичните појдовни барања кои како документи биле изготвени и таквите фалсификувани барања ги употребил како доказ во правен сообраќај за набавка на гумени прстени.

