Единицата за насилен криминал при СВР Скопје поднесе кривична пријава против 47-годишниот В.С. од Скопје, поради обид за убиство.

Како што информираат од МВР, на 21 февруари годинава во семејниот дом пријавениот ја нападнал својата мајка А.С. и ѝ нанел тешки повреди, доведувајќи ѝ го животот во опасност.

Полициски службеници извршиле увид на местото на настанот и во координација со Јавен обвинител пријавениот бил усапсен, спроведен и хоспитализиран во Психијатриската болница – Скопје.

Канцеларијата за криминалистички работи Кичево поднесе кривична пријава против 37-годишниот Ј.Х.(37) од Крушево, поради сомнение за сторено кривично дело „измама во службата“.

Како што информираат од МВР, на 5. април минатата година, пријавениот, при склучување на усмен договор за купување на 2.132,96 литри дизел гориво, го довел во заблуда оштетениот Б.Е., на тој начин што му го прикрил фактот дека фирмата купувач од Крушево била со блокирана банкарска сметка уште од 2. септември 2018.

Со тоа крушевчанецот нанел штета во вкупен износ од 130.111 денари.

Охридската полиција поднесе кривична пријава против тројца скопјани – И.И.(33), Г.Ј.(34) и С.Ј.(34), како и против фирма од Охрид, поради сомнение за сторено кривично дело непостапување според здравствените прописи за време на епидемија.

Како што информираат од МВР, пријавените на 2 август организирале музички настан во Градиште и на плажата, без почитување на мерките против Ковид-19 и протоколите за отвoрање и работа со кафетерии.