Црна хроника
Пожар во работилница за поправка на вагони во Трубарево, тројца вработени повредени
Три лица се повредени во пожар што настанал во работилница за поправка на вагони во Трубарево.
Според информациите на МВР, вчера во 09.19 часот во СВР Скопје, од Бригадата за противпожарна заштита било пријавено дека настанал пожар во механичарска работилница за поправка на вагони сопственост на „Железници на Република Северна Македонија“ во Трубарево, при што работилницата била целосно опожарена.
Пожарот бил локализиран, а во пожарот тројца вработени биле повредени. Притоа, Н.Г.(53) од с.Јурумлери се здобил со тешки телесни повреди, Р.Л.(62) и В.Т.(56) се здобиле со телесни повреди, констатирани во Градската општа болница „Св.Наум Охридски“.
Извршен бил увид од увидна екипа од СВР Скопје и трудов инспектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пријавени шест лица по инцидент со насилство и оружје во Желино
Полицијата поднесе кривична пријава против шест лица од Тетово, по инцидент што се случи на 5 ноември 2025 година во селото Желино.
Пријавени се: Б.И. (34), Б.И. (30), В.И. (29), Ј.Б. (37), Џ.Б. (30) и Ј.Џ. (63), за кои постојат основи на сомнение за сторени кривични дела „насилство“ и „загрозување со опасно орудие при тепачка или караница“.
Според полицискиот билтен, инцидентот започнал со претходна расправија помеѓу Ј.Џ. (63) и Б.И. (34). Во текот на оваа караница, Ј.Џ. се обидел да го нападне Б.И. со метален предмет, но лицата биле разделени.
Меѓутоа, ситуацијата ескалирала кога расправијата прераснала во физичка пресметка во која биле вклучени сите шест пријавени лица. Според пријавата, во текот на оваа тепачка, Ј.Џ. со огнено оружје му упатил закани на Б.И.
Истрагата за случајот продолжува.
Црна хроника
Скопјанец претепан пред влезот од домот: претходно добивал закани од таткото на вереницата
Утрово во 00:05 часот во СВР Скопје, Б.И.(18) од Скопје пријавил дека пред влезот на неговиот дом на подрачјето на Чаир во Скопје, неколку лица физички го нападнале.
Според пријавеното, тој се сомнева дека нападот е извршен поради нарушени односи со неговата вереница и дека неколку пати добивал пораки со закани од нејзиниот татко.
Полицијата соопшти дека се преземаат мерки за расчистување на случајот.
Црна хроника
Ја претепал 48-годишната сопруга: уапсен маж од Кичево
Синоќа во 19:50 часот во Кичево, полициски службеници од ОВР Кичево го лишија од слобода Т.Д.(53) од Кичево.
Полицијата постапила по претходна пријава дека тој во семејниот дом физички ја нападнал неговата 48-годишна сопруга.
По целосно документирање на настанот против него ќе биде поднесена соодветна пријава.

