Приведен е крадец кој попладнево нападнал жена во скопската населба Бутел 1, а притоа ѝ украл златно синџирче.

Од полицијата информираат дека станува збор за 22-годишен скопјанец со иницијали Ф. С..

„Тој малку пред да биде приведен, на крстосницата помеѓу улиците Хо Ши Мин и Лазо Дренков ја нападнал М. Л. и од неа украл златно синџирче“, велат од МВР.

По приведувањето, го признал делото и против него ќе биде поднесен соодветна пријава.

Возач, кој превезувал мигранти и еден патник, добиле со прострелна рана во нозете додека возачот се обидувал да ѝ побегне на полицијата.

Настанот се случи рано утрово на патот кај селото Кравари.

Според информациите од МВР, полициските службеници се обиделе да сопрат патничко возило со скопски регистарски ознаки, но возачот се обидел да ги прегази. Потоа полицајците од огнено оружје испукале неколку истрели.

Набргу возилото запрело во близина на бензинска пумпа на влез во Битола, а во него бил затекнат возачот Ш. С., кој добил две прострелни рани во нозете, а во непосредна близина бил пронајден и еден мигрант со прострелна рана во едната нога.

Повредените лица се пренесени во Клиничката болница во Битола за укажување лекарска помош. Се преземаат мерки за расчистување на случајот.

СВР Штип поднесе кривична пријава против Б. С. (38) од Штип поради постоење основи на сомнение за сторено кривично дело загрозување со опасно орудие при тепачка или караница.

„На 14.7.2020 во спортска обложувачница на улицата Маршал Тито во Штип, пријавениот, по вербална расправија, со пиштол му се заканувал на Ј. С. од Штип по што и физички го нападнал“, велат од полицијата во дневниот билтен.