Три лица биле натепани во својот дом во населбата Илинден поради долг.

Нападот доцна синоќа го извршиле С. В. (21), П. Ѓ. (19), С. М. (26) и Н. П. (26).

Тие со употреба на сила влегле во домот на З. П. (52) во населбата Илинден, почнале да ја оштетуваат покуќнината и физички ги нападнале З. П., К. П. и Л. П.. Според пријавеното, З. П. во самоодбрана со остар предмет го повредил Н. П., кој бил пренесен во комплексот клиники „Мајка Тереза“ за укажување лекарска помош, a З. П., К .П. и Л. П. биле пренесени во Градската општа болница „Св. Наум Охридски“, соопшти МВР.

Како што стои во пријавата, причина за нападот е наводен долг на К. П. кон напаѓачите.

Пријавените лица се приведени во полициска станица и по целосно документирање на случајот, против нив ќе бидат поднесени соодветни пријави.

Во текот на вчерашниот ден (16.5.2021) спроведена е зајакната акциска контрола на подрачјето на СВР Скопје за санкционирање на прекршоци што ги чинат возачите на мотоцикли, при што санкционирани се 93 возачи. Од нив, 41 возач не користеле заштитна кацига за време на возење, 28 возеле без возачка дозвола, три мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.

МВР апелира до сите учесници во сообраќајот да ги почитуваат сообраќајните правила и прописи и заеднички да придонесат за побезбедни патишта.

Поради постоење основи на сомнение за сторени кривични дела „фалсификување на огнено оружје“ и недозволено изработување, држење, посредување и тргување со оружје или распрскувачки материи, ОВР Струга поднесе кривична пријава против А.Н.(56) од Кичево и против А.А.(42) од струшкото село Франгово за недозволено изработување, држење, посредување и тргување со оружје или распрскувачки материи, информира МВР.

На 11.05.2021 година полициски службеници од ОКП и ОВР Струга на магистралниот пат Струга-Ќафасан извршиле преглед во патнички автомобил „мерцедес“ со струшки регистарски ознаки, управуван од А.А. и во него пронашле и одзеле еден пиштол марка „НК“ и 50 куршуми калибар 9 милиметри.

Тој предметите претходно ги добил при контакт со А.Н. остварен во близина на бензиска пумпа на магистралниот пат Струга-Кичево, известуваат од министерството.