Црна хроника
По изборните прослави, скопјани наоѓаат заталкани куршуми во своите домови
![](https://makfax.com.mk/wp-content/uploads/2019/11/rfnjefgnjrgera-183916-204601.jpg)
Во текот на вчерашниот ден (16 јули) во скопската полиција биле пријавени два случаја во кои граѓани известиле за пронајдени заталкани куршуми во своите домови.
Во Полициската станица Драчево 70-годишник од Скопје пријавил дека во утринските часови на терасата од неговата куќа на улицата Китка пронашол зрно од огнено оружје, од кое била оштетена и лимената покривна конструкција. Скопјанецот го предал зрното во полиција.
Вториот случај бил пријавен вчера околу 21 часот, од страна на 66-годишен скопјанец.
Тој во вечерните часови на терасата од куќата на улицата Вашинтонска пронашол заталкано зрно од непознато огнено оружје. Полициски службеници излегле на местото на настанот, при што пријавителот им го предал заталканото зрно, а според пријавеното, нема оштетување, ниту повредени лица.
И во вчерашниот полициски билтен имаше информациja за заталкан куршум, при што тој завршил во соба од стан, во која седеле татко и неговиот малолетен син.
Исто така, во текот на вчерашниот ден МВР информира дека во вечерните часови на 15 јули било пријавено пукање од огнено оружје за време на одржување прослава на политичка партија на плоштадот Скендербег во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Со возило на авто-школа удрен, па натепан малолетник
![](https://makfax.com.mk/wp-content/uploads/2024/09/policija-park-logo.jpg)
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.
Црна хроника
Мотоциклист излета од патот и тешко се повреди
![](https://makfax.com.mk/wp-content/uploads/2022/06/motociklist.jpg)
Вчера во 13:30 часот во полициската станица Пробиштип било пријавено дека околу 13 часот во близина на фабрика во Пробиштип, Г.Ѓ.(57) од село Другово, кичевско, управувајќи мотоцикл изгубил контрола и излетал надвор од коловозот.
Во несреќата со тешки телесни повреди се здобил мотоциклистот, констатирани во Медицинскиот центар Штип.
Извршен бил увид од увидна екипа од ОВР Пробиштип.
Црна хроника
Рачна бомба најдена во туристичката населба Отешево
![](https://makfax.com.mk/wp-content/uploads/2022/12/rachna-bomba.jpg)
Вчера во 9 часот во полициската станица Ресен, Б.Ѓ. од Ресен пријавил дека на крабрежјето во туристичката населба Отешево, ресенско, пронашол една рачна бомба-кашикара, три артилерски чаури 60 мм и две исправни запалки мм, кои потекнувале од Првата светска војна.
Од страна на пиротехничар од Дирекцијата за заштита и спасување истите се подигнати за понатамошна постапка.