Едно лице од Скопје било приведено во Охрид кога полицијата кај него пронашла дрога.

Според информации од полицијата, денеска, во 14.40 часот, на булеварот Туристичка полициски службеници од СВР Охрид го лишиле од слобода Е. Н. од Скопје затоа што кај него била пронајдена марихуана.

Тој бил приведен во полициска станица и по целосно документирање на случајот, против него ќе биде поднесена соодветна пријава.

Во гевгелиската полиција, вчера во попладневните часови бил пријавен инцидент што  се случил на паркинг во Негорски бањи.

Како што информираат од МВР, теренско возило „ленд ровер“, со кавадаречка регистарација, управувано од малолетно лице од Неготино, удрило во паркиран автомобил „опел“ и во автомобил „фиат“, кој пак, удрил во уште едно возило – „фолксваген поло“.

Во незгодата со тешки телесни повреди се здобил пешакот Ѓ.З. (42) од Неготино, констатирани во медицински центар во Гевгелија, а увид на местото извршила екипа на гевгелиската полиција.

Во охридската полиција вчера нешто по 18 часот било пријавено дека на магистралниот пат Охрид – Кичево, во близина на селото Врбјани, се случила сообраќајна незгода со трагични последици.

Како што информираат од МВР, судирот се случил помеѓу автомобил „фолксваген голф“, со струшки регистарски ознаки, управуван од Г.Р.(61) од струшкото село Долна Белица и автомобил „тојота корола“, со охридска регистрација, управуван од Б.Б.(64) од Охрид.

На местото на незгодата починал стружанецот, а смрт констатирал лекар од итната медицинска помош.

Со тешки повреди се здобиле Б.Б. и неговот сопатник С.Б.(62) од Охрид, како и малолетен сопатник во „голфот“, а со повреди се здобила и малолетна сопатничка во патничкото возило „голф“, кои биле констатирани во болницата „Св.Еразмо“ во Охрид.

Екипа од охридската полиција извршила увид на местото на незгодата.